[قوافي الأيثار]

أسمعني يا يزيد = وحــگے نحر الشهيد
حسين حيّ ويبقى صوته = يزلزل عروش الطغاة
ومن نزف نحره مشاعل = تضوي لدروب الحياة
*********
اليوم باسم حسين اخاطب كل يزيد = وكلمن لشيعة محمد ظل يكيد
أبد ما نترك حُسين وما نحيد = والمناحر تشهد ونزف الوريد
يكل الظالمين = نظل شيعة حُسين
حسين علمنه التحدي = وزرع بينه التضحيات
ومن نزف نحره مشاعل = تضوي لدروب الحياة
*********
كربلائيين أحنــــه وما نليّـــن = أبعالم الذرّ أنخلقنه للحُســــين
وأحنه للهادي الرسول مصدقين = وأنتو للإسلام والله محرفين
فتاويكم خداع = وتدينكم قناع
واحنه بسم حسين حتماً = نكشف اقناع البغاة
ومن نزف نحره مشاعل = تضوي لدروب الحياة
*********
شما رجع ألكم يزيد وأدعياء = بكل زمن عاشور عدنه وكربلاء
ما يموت حسين حاشاه الفناء = حسين ما يعرف بداية وانتهاء
يظل معنى الصمود = انعرف بيه الخلود
يبقى ابو الاحرار خالد = للبشر باب النجاة
ومن نزف نحره مشاعل = تضوي لدروب الحياة
*********
اليوم صوت حسين للعالم بيان = وكربلاء اليوم بقعة من الجنان
من نزف دمّ الحسين وعنفوان = وللخلود هناك صارت ترجمان
علا هناك الضريح = وحوى الكون الفسيح
هذا صرح حسين قبلة = وأله تحجّ المعجزات
ومن نزف نحره مشاعل = تضوي لدروب الحياة
*********
من سنة واحد وستين الطفوف = منتصر دمّ الحسين أعله السيوف
قاعدة وثبّها والعـــــالم يشوف = هالملايين التزوره و هــالألوف
وتزروه الانبياء = وملائكة السماء
صار محراب القداسة = مثل محراب الصلاة
ومن نزف نحره مشاعل = تضوي لدروب الحياة
*********
حسين ثورة وتبقى بالظالم تطيح = حسين صح وما يصح الا الصحيح
بصوت يسقط كل يزيد اليوم اصيح = واليعادينه على حب الذبيح
وحـگے ظلع البتول = عله الظالم نصول
وحب ابو الاكبر عقيدة = وصار مبدأ للإباة
ومن نزف نحره مشاعل = تضوي لدروب الحياة
*********
اليوم خل تسمعنه أشباه الرجال = نعوف حب حسين لا والله محال
ولو ظهر مهدينه يا أهل الضلال = للنواصب أبد ما ننطي مجال
أذا حان الجهاد = نسوّيكم رماد
ونار ثار حسين تسعر = للطغاة وللجناة
ومن نزف نحره مشاعل = تضوي لدروب الحياة
*********
اهتف اليوم بوجـــه كُل ناصبي = ديني بحسين وعقيدة مذهبي
شيعي أبقى انتمي لآل النبــــــيّ = وجرحي ينزف للحشر جرح السبي
حمل عمري العذاب = على أم المصاب
حسين أحياها الشريعة = بالدماء الزاكيات
ومن نزف نحره مشاعل = تضوي لدروب الحياة
*********
عمار جبار خضير – 2013