[قوافي الأيثار]

أنصارك صاحت يا والينه = يحسين لأمرك بس تنطينه
عالموعد باچر تلـگـانه = نتقدم والحق ويّــانه
يحسين لأمرك بس تنطينه
******
بعد ما جمع أصحابه ألحُسيـــن بليــــــــــــلة العاشر
گــلهم هالسوّاد الكـــــم من عيــــــــن العدا ساتر
لأنها أصحابه كلمتـــــــــــــــــــه بكلام يطيب الخاطر
خطب عابس زهير وجون وخطب مسلم وابن ظاهر
هيهات انعوفك يا بو الاكبر = ولجدّك يحسين شنتعذر
طلــگنه لأجلك دنيانه = نتقدم والحق ويّــانه
يحسين لأمرك بس تنطينه
******
يريحانة رســـــــــــول الله أحنـــــــــــه ألدنيّا عفناها
وبيعة نسل أبن سفيـــان بهيــــــــــــــهاتك رفضناها
وأحنه لعزّتك يحسيـــن وتعاليـــــــــــــمك درسناها
هاي أنصارك وتبـــــــــــــــــــــــقى تقدملك ضحاياها
يحسين لبــاچر شيصبرنه = نــگلبها الحومه بس تأمرنه
لجيش ابن زياد وفرسانه = نتقدم والحق ويّــانه
يحسين لأمرك بس تنطينه
******
كل واحد وگــف بيهم مثل وگـــفة أسد يزأر
وحـگے ضلع أمك الزهره نعوفك حاشى ما نـگـدر
لون ميّة ألف مــــــرة يـــــــــــوذرونه يبو الاكبر
نعود وندفع الاخطار وكل مـــــــــــرة ألك نحضر
باچر يا بو الاكبر ويّاكم = ننطيها ادمانا دون ادماكم
لصوب الطاغوت واعوانه = نتقدم والحق ويّــانه
يحسين لأمرك بس تنطينه
******
أحنه لنصرتك ربنه خلقـــــنه وبيها شــــرفنه
من گـبل الخلــگے يحسين لاجلك سيدي صرنه
وباچر يا ابو السجــــاد نفديــــــــك ابمناحرنه
وبشوفة رســـــول الله تتكـــــــحل نواظرنه
أنصارك بالحومة معروفة = مأتم كل بيت نخلي الكوفة
باچر لو حبك نادانه = نتقدم والحق ويّــانه
يحسين لأمرك بس تنطينه
******
لون يطلع صبح باچر وتنطينه الامر يحسين
نخلي عسكر ابن زياد يتجرع مرار البين
ونغّير مجرى بالتاريخ يظل باقي ليوم الدين
وحسابات الحرب كلها نقسمها على سبعين
بس يطلع باچر يبن الزهره = سبعين وانصارك متحضره
والعباس يشيل لوانه = نتقدم والحق ويّــانه
يحسين لأمرك بس تنطينه
******
ويوم الي أجه الموعد مثل ما واعدوا وفّــوا
جبال وما تهزها الريح سور عله الخيم وگفوا
وصارت خسفة بالميدان لمن عالعدا زحفوا
عشاگے لأبو السجاد وبدّم العشــگے نزفوا
كل واحد بيهم من يتقدم = زلزال بسيفه وعاصف يهجم
ويصيح بعزمه وأيمانه = نتقدم والحق ويّــانه
يحسين لأمرك بس تنطينه
******
جعلنا الله وإياكم من السائرين على منهجهم العظيم
عمار جبار خضير
2 محرم 1435 /6/11/2013