من العسكري أنوار شمس الهدايه
صب يانديمي كاس خمر الولايه
بسم حيدر بعد أكثر صبلي واسگيني يساقي
***
ليلة أفراح وسعاده خصّت أنوار الرساله
ياجمال العرش نور الحسن يسطع من جماله
صبلي ياساقي الموّده خمر حُب النبي وآله
يانديم الكاس صبلي خل أجاهر بالثماله
إسگي المُحب ياصاح خَمرة حبيبي
منـمزج كاسك بيه دائي وطبيبي
طعمه سُكَّر من الكوثر صبلي واسگيني يساقي
***
صبلي ياساقي المودّه وشيل كاس الخمر بيدك
الليله فرحانه الخلايق منجمع عيدي اويه عيدك
نشوة الميلاد تجري بدم وريدي ودم وريدك
المايريدك لاتريده خمر صب بس لليريدك
شيل القدح ياصاح واسگيها الأرواح
لاتمسك اعله الكاس عجّلها ياصاح
الهادي بشَّر شبله يظهر صبلي واسگيني يساقي
***
صبلي ياساقي المودّه بس خمر بينك وبيني
خلها بسيوف الضغاين تنذبح كل عاذليني
مبتهج گلبي بغرامه وشوگ يتفطر حنيني
بطلعة العسكري ونوره ينحفظ دينك وديني
صب يانديم الروح كاس بأثر كاس
البدر والنجمات هاليله حراس
شوگي يكبر خلني أفخر صبلي واسگيني يساقي
***
الليله مرسول السعاده بلّغ الهادي إمامي
إلحسن ينولد فجره وبيه يتحقق مرامي
يله ياساقي المحبه گوم واسگيني غرامي
وبسجّلك سجل إسمي شيعي مابين الأسامي
صب من نبيذ الشوگ وارويني خمره
إخذ العهد وياك للهادي إخبره
لأجل حيدر أفدي منحر صبلي واسگيني يساقي
***
يانديم الكاس روحي هايمه بعشگ الولايه
ويامحبة آل حيدر بحر ماعنده نهايه
صبلي من خمرة عشگهم كاس بيه تتجله آيه
وخلني بجناح النوارس مسك أمطر عالبرايه
صب يانديمي كاس خمر المجانين
خليني اطهر الروح واسگي الشرايين
نفسي تطهر گلبي مِحْور صبلي واسگيني يساقي
***
الخمره تفني الي شربها للملذَّه الدنيويه
تاخذ إحساسه اويه عقله ويبقى يمشي إبلا وعيّه
وتختلف نشوة خمرتي وكاسي يطفح معنويه
إنته گلي شنهو كاسك آنه أگلك حيدريه
خمر الولايه يفيض نور وقداسه
واليشرب امن الكاس مايطخ راسه
مع الجوهر يبقه يكبر صبلي واسگيني يساقي
***
ابو ياسر الكعبي
نديم الكاس .............
العرض الشجري