[عباس طريم]

رسالة حجية اجماله الى الكتاب والشعراء
________
ياالكتاب يهل الشعر خاله

عباس طريم

رسالة حجية اجمالة
________________:

ياالكتاب يهل الشعر خاله

رسالة : حجية اجماله

ياالكتاب يهل الشعر خاله
اسمعو بروح ابوكم ها
الرساله

اسمعو امجرب ..الجس الدرب زين
لا سامع .. ولا واحد
حجاله

لمس بيده الامور وشاف بالعين
تجارب .. موش عن قلنا
وقاله

اتركو راي كل واهم , وجذاب
واخذو براي خالتكم
اجماله

شعركم بعد ما يسواله فلسين
لان ماتو يبعد اهلي
رجاله

راح اللي يدور الفخر والزود
بمعاني الشعر ويقدر
الاصاله

راح اللي يحط الشعر عالراس
واجه الامي .. واليسميه
ازباله

مات اللي ايشوف الادب عنوان
لهل الفخر والعز
والنباله

اجه اللي ايوزع.. واهل المهارات
سهمهم بالجدر.. حط بي
وشاله

اجه اللي يعتقد كل اليكتبون
بسبب واحد فقط.. هوه
البطاله

اجه اللي يضحك.. ويلعن الشيطان
اذا مر بالشعر, لو
بالمقاله

اجه اللي يعتقد .. كلكم مفاليس
وصرتو عالشعب, والوطن
عاله

الشاعر تاه ما بين العناوين
ما يلكه الذي يقدر
اعماله

حال الضيع ابدربه المشيتين
وما يعرف يمينه من
شماله

قصايد يكتب وينقد الحكام
وكل ساعة وصرخ.. اين
العداله

دايخ من تشوفه اتكول سكران
وبس ايفكر ابعيشة
جهاله

صفه الكل البشر.. واطاهم اعهود
الزمان ..وما خطر يوم
وصفاله

ولا الدنيه صحت , واستانست بيه
ولا وكته ابتشر يوم
وصحاله

ولا منصف اجه.. وكال ارد اراعيه
واشوفن بر .. وارسي بي
احباله

والمسؤول .. من يكابله .. يكول
ادلل .. للعصر ينكر
اقواله

الاديب العلم.. ذاك الصوب دفعوه
واجه الما يعرف ايوقع
بداله

اختلفت يا بعد روحي القوانين
ضاعت .. ما كو كلمن في
مجاله

مدير اصبح.. الجان ايبيع بطيخ
اوخبير .. الجان يعمل
بالبقاله

والواعي المثقف ..خاوي تعبان
عليل امن المرض , دايخ
اشحاله

جيبه ايغني بي سالم النكوب
يشبه صاحبه .. الافلاس
ناله

من كثر القهر , يكتب المسكين
حاير , سارح , ومشغول
باله

يتامل من اصحاب القرارت
يلتفتون ..ويهيم
ابخياله

يتامل يجيه فد يوم مسؤول
منصف , عادل . يقدر
خصاله

ما يدري الربع صارو بعيدين
واسمهم صار .. اصحاب
الجلاله

انكلبت فوك صاحبهه الموازين
وطار الخيط والعصفور
خاله

والمايقره جان اوطاكه البين

محاله ايقدر الشاعر
محاله

الاديب اليوم مثل اهلال بالعيد
ومثل الدر .. صعب نلكه
مثاله

الاديب اشهر علم .. ما بين العلام
حجاي .. ورجل صاحب
رساله

فكره امسلح بشتى الميادين
وابسوح الفكر .. يصعب
نزاله

مثقف من صدك.. ويصول ويجول
صوره .. الوطن يعرف من
خلاله

لهذا الفاشل .. ايسميه مكروب
خطر ..يحتاجله قطع
وازاله

والمسؤول يقره الفلق والطور
عشر مرات اذا مر
ابخياله

ويمتمت ابحلكه خمس مرات
سترك ربي ! فال الله
ولفاله

ويقره ابسورة الجن.. وال عمران
وال الكهف .. لو صادفه
اكباله