[عشاق المفيد]

محمد ياأمير الحب امام الشوك

الفراشات اعله خده اتقبله وتفرح

لئن خدة الورد تمتص رحيق البيه

وي كلماته بشفافه العسل يطفح

الشمس تغفه اعله حضنه برمشه نام الليل

ويفزالصبح بعيونه لوصبح

محد واجه الله بس ابو الزهراء

قابل ربه وبسابع سماء افصح

عن لهادي اسولف ترضلى ياقانون

تسمحلي اسولف ادري ماتسمح

محمد بالتواضع طالب الحكام

صادق وي شعبه بوعدة لوصرح

محمد بالشوارع يمشي بين الناس

– ماعندة رتل ماتطلع جيوشة
ومايملك قصر بالمنطقة الخظراء

الارامل واليتامه تسكن بحوشه

حتى اصنام مكه سجدت اعله الكاع

اعله طه تصلي كامت والحجر افلح

سحك خشم التكبر طه بالاقدام

وخشوم التكبر تخسه ماتربح

لؤلؤ من عيونه ايطيح مو دمعات

وهموم اليتامه بعينه تتمرجح

ابيض ماكو اسود كلهه نفس اللون

ماعنده مذاهب رايد الاصلح

حبيب الفقره طه وسيد اعله الكون

فايز يبقه رشح والا مارشح