[قاسم حتروش]

هذا صوتي ... يندبه الرب العرش صبح ومسيه
هذا صوتي ... ناده عجّل بالفـــرج الأبن الزجيه
**********
ضاكت الوسعـــــه علينه وبيها حرنه
حتى ملّينه وجزعنه مــــــــن صبرنه
نعيش غربــــه وحسره وآهات بوطنه
وعلى غيابــــه غابت البسمه وفرحنه
هذا صوتي ... ومثله ناده صوت كـــل الجعفريه
هذا صوتي ... ناده عجّل بالفـــرج الأبن الزجيه
*********
كل وكت أندب وأدعي فــي صلاتي
وأبد مــــــــا يهده دعائي لحد مماتي
أرد أشوف المنتظر كـــــــل أمنياتي
أمــــــل روحي ودنيتي ومنقذ حياتي
هذا صوتي ... ينشد بيا يوم إمامــــــي يرد عليه
هذا صوتي ... ناده عجّل بالفـــرج الأبن الزجيه
*********
في صلاة الليـــــــــــل أدعيلــه وأذكره
وأسأل البـاري بقنوتــي بصدري حسره
عجّل الطلعه الأمامــي وسهّــــــل أمره
حتى يملي الأرض عدله ويشفي صدره
هذا صوتي ... يــــدوي ناده يريد ثار الغاضريه
هذا صوتي ... ناده عجّل بالفـــرج الأبن الزجيه
*********
لو قريت الندبه مـــــن كـل يوم جمعه
مــن أصل يا أرض تسكن أبجـي ونعه
يعني مــــا أعرف إمامي شلون وضعه
جعلني يـــــا ربي وإلاهي بدربه شمعه
هذا صوتي ... يسأل بيا أرض يسكن يــــــا ثنيه
هذا صوتي ... ناده عجّل بالفـــرج الأبن الزجيه
************
مـــــــن أزور حسين جـــدّه أبو أليمه
تحت كـــبــتـــه أنـدعيلــــه بضلع أمّه
ينهي بارينـــــــه غيابــــه ويجلي همّه
حتى ياخذ ثـــــــــاره بيده وينهي غمّه
هذا صوتي ... بكل وكت ناده الأبن حامي الحميه
هذا صوتي ... ناده عجّل بالفـــرج الأبن الزجيه
************
لــــو صدح جبريل بسمه وأمـــره ذاعه
وظهر عالوسعه إمامـي ومـــــد شراعه
بحق حبيبك والوصي وأهــــــل الشفاعه
جعلني جندي لحضرتـه وتحت الإطاعه
هذا صوتي ... يسأل بهذا الأمــــــــر رب البريه
هذا صوتي ... ناده عجّل بالفـــرج الأبن الزجيه
**********
بالختام أبعــــــــــــــث تحياتي وسلامي
لصاحب الغيبـــــه الطويله وكلبي دامي
المهدي أبـــــــن الحسن مولاي وإمامي
أدري بي يسمع الصوتي وكـــل كلامي
هذا صوتي ... بهل مسه وبكــل مسه يوجه تحيه
هذا صوتي ... ناده عجّل بالفـــرج الأبن الزجيه


الشاعر
خادم الحسين (ع)
قاسم حتروش البلداوي
خادمكم
أسألكم الدعاء