اما انكم تجيبون خلطة كباب جاهزة من اللحام يكون فيها البصل والبقدونس والبهارات والملح او انكم تسوونها بالبيت وعشان تسوونها بالبيت (انا سويت الخلطة بالبيت)
اللي يجب اللحمه الكباب جاهزة يزيد عليها بالبيت حبة بندورة متوسطه مفرومه ناعم (عشان ما تطلع اللحمه ناشفه لما تنشوى بالفرن)
ربع كيلو لحم مفروم ناعم جدا + 15 عرق بقدونس مفروم ناعم + بصلة متوسطة مفرومه ناعم جدا + بندوره متوسطة مفرومه مكعبات صغيرة جدا + ملح + بهار اسود + قليل جدا من 7 بهارات + ملعقتين كبار زيت زيتون(اختياري فلفل احمر بودره للي يحب الحر شوي بس).
يعني تجيبي اللحم مفروم ناعم مره وتفرمي كل شي على حده وتخلطينهم بعدين كلهم سوا بيدك زين تخلطينهم باليد.
الطريقة :
تجيبي خبز لبناني سميك شوي مو الرقيق مره في نوعية سميكة شوي مثل الخبز البيتي يكون مدور وسط او المدور الصغير ااذ ما لقيتوا الخبز البيتي السميك في الخبز المدور نفس مال الشاورما والفلافل
تجيبيه وتفتحيه من جهة واحده شوي وتمدي فيه شوية من اللحمه وترصيها داخل الخبزة زين بعدين تسكريها وترصيها بيدك وتدهني على يدك مسحة زيت زيتون وتدهني الخبزة من الامام والخلف بس لا تمليها زيت بس مسسسح بيدك على خفيف (انظري للصورة)
وتخلصي الكمية كلها بهالطريقة
ثم تقسميها لاربع اقسام (انظري للصور
بعدين تلفي كل خبزة بـ(القصدير) وتحكمي عليها الاغلاق وتخلي اللفه المفتوحه من فوق عشان ما ينزل ماء اللحم لتحت بالفرن
وتدخلينهم بصينية الفرن على الطبقة الوسط وتكوني مشغله الغاز من فوق ومن تحت على حرارة 180 - 200 درجة وبعد 20 دقيقة شيكي على وحده منهم اذا احمرت ولا لأ اذا ما حمرت اتركيها بعد شوي ممكن تاخذ وقت 30 دقيقة على حسب نوعية الفرون ونوعية الخبز.
بعد ما تطلعيهم من الفرن خليهم باالقصدير مسكر عليهم شوي عشان ما ينشف الخبز او ييبس وبعدين شيلي عنه القصدير وحطيهم كلهم في صحن وغطيه زين باالقصدير او بحافظه او بكيس نايلون واحكمي الاغلاق عليهن لمدة لا تقل عن خمس دقايق، عشان تطرى الخبزة شوي اذا كانت محمصة والطعم احلى من اي مطعم واغلبي فيه المطاعم
وهذي صورة اخرى مره ثانيه للشكل النهائي
واذا كان تريدونه على الفحم ترى نفس المقادير ونفس الطريقة بس بدل ما تغطينه بورق القصدير لا حطيه بالشبك الخاص واضغطي عليه وحطيه على الفحم وبس
عرااايس الكباب
العرض الشجري