تعب هذا العراق اهواي وطاحت دمعته واختنك بالعبرة
معلول الوطن وكلبه مالوم وسحكوا تربته بس ما نفذ صبره
شكد هزل الوطن من كثرة الغربان بس اشحده ال يقترب وعل ذلة ايجبره
شكد طاحت عل وطن من الاهوال اهواي بس ما نزلت هامته وية ضربة الطبرة
شكد ينزف من دمع وهموم بس خيطنا الجرح وي جكة الابرة
انه شفته مذبوح ويصيح اه اه شكد خانوا تربته بس كلبه اشكبره
فجروا جامعه وانتهكوا الحرمات بس سماعة ورع وما سكتت النبرة
من اولاد الوطن نكدر نزرع الخير علم ومعرفة وما نقصت الخبرة
منو يفزع للوطن ويعمل اب اخلاص ويرحم ها البلد ويخلصه من اسره
خاطب هال وطن كل من شافه اليوم من شعبي يتحد هذا الوطن يثره
ال ينسى هالوطن ويبعبد الدولار تنزل قيمته ومنه اتبره
يا وسفة العراقي ال يرفع الهامات ينكس هامته والذلة اتجره
معقولة انته مسلم وتهتدي بقران؟؟
تسبي خيتك وتذبح بشفرة
ولك اصحه انه اخوك معقولة تذبحني وتنسى الي جره والخوة والعشرة
نسى الي جره وصفي النية وياي هم شفت الوررد يتبره من عطره
اليسكن هالبلد ويعرف الاهوال يعرف هاليلد ويثمنه ويقدره
ولك هذالعراق طبع طبع ذيب شامخ ابقمته و اب هوره ونهره
صح الشلال بالشمال اهناك بس امتزجت ميته وي نخلة البصرة
شنو ذنبه الرجل ايروح عمره بيوم وليش الارملة تتحير اب قبره
شو مات الطفل من قنبله شيطان شنو ذنبة الطفل يتجفن اب صغره
تره طبع العراقي ايضيف الخطار مو يغدر اخيه ويدجه ابظهره
ما بقه النه بس نصبر ندعو الله ونكول الفرج والمهدي ننتظره
جرح العراق
العرض الشجري