[عشاق حسينيون]

كل ما يشوفوا اسمو بيسألوني من بيكون؟؟؟
بقلن حبيبي من انا وعمري سنة
ما بيصدقوني
بدي خبركم عنو بس بالعامية
ما عندي قدرة عالتركيز


اليوم بدي عرفكم عليه وخبركم كيف حبيتوا

من لما كنت زغيرة كنت شوفو بالصورة
صورتو كانت بكل بيت من بيوت عيلتنا
عنا بالبيت وعند بيت عمومتي
بتذكر انو من انا وزغيرة كنت كل ما شوف صورتو اركض وبوسا
وقول رضا رضا
حبيبي عمو

ما كنت اعرف وينو كانوا يقولولي بالسما ما كنت اعرف شو يعني
بالسما لصار عمري 5 سنين
لما ماتت تيتا
وقتا صرت اسأل وينها تيتا
وعرفت انو في شي اسمو موت
وفي مقبرة بيروح عليها الميت
بعدين كبرت وكنت اسمعن كلن بيحكوا عنوا


وبيقولوا( قمرهم رضا) ( واحسن واحد فيهم) اكيد المقصود من بين عمومتي


وبقيت احس انو الو بقلبي محبة مختلفة عن أعمامي الباقيين

لما كبرت اكتر يعني لما صرت افهم شوي بالدنيا
وصرت اذا قرات افهم شو بقرا وهيكي صرت ادخل المكتبة الخاصة بعمي
وصرت فلفش بالكتب
هي كتب صارت عتيقة
بس اللي بيقراها بيعرف من كان رضا
لما صرت اقرأ عمي ( كتاباتو) صرت أعرفو أكتر وصرت افهم ليش كانوا يقولوا عنو هيكي
هو بجد غير كل عيلتنا مش متلن ابدا
المهم هيكي صرت حبو من كتاباتو وفكرو

عمي حبيبي

كان كل امنياتي شوفو
دايما لما كون مقهورة وما للاقي حدا جنبي
بروح لعندو بروح وبتعوق عندو

ولما بيسالوا عني وما بيلاقوني عند بيت عمومتي بكون اكيد بالجبانة
هناك بحكي معو وبشكيلو

ما بعرف عندي احساس انو بيسمعني
هيدا هو عمي
ما بعرف هيدا اللي طلع معي هلء
بحبو كتير

كنت بتمنى شوفو
والحمد لله تحقق امنيتي وشفتو كمان مع الامام الحسين



ما بعرف الكتابة مش مترابطة
بس هيداا اللي طلع معي وانا بهالحالة


ادعولي وادعولو

يمكن بحبو كتير لانو متلي
في كتير اشيا بشبهو فيها

هو حتى لما غاب عن هالدينا كان بمتل عمري
ما بتصور هلء نلاقي شاب بالعشرين من عمرو ورجل بكل ما للكلمة من معنى
بس عمي كان هيكي

وابني حيدر لازم يكون متلو