رواية ˚ஐ˚◦ أحلام ورديه◦˚ஐ˚◦ كاملة بين ايديكم

عاشقة أهل البيت · بتاريخ : 20-09-2008 الساعة : 03:43 PM

..(( الجزء العشرون ))..

الجزء العشرووون ..

حسام : الغرفه عاليمين
ندى: ان شاء الله
حاسم: فيه أكل بالمطبخ اذا تبين تاكلي
ندى: ان شاء الله .. انت ماتبي ؟
حاسم: لا
ندى: براحتك
دخلت الغرفه .. كانت رووعه .. الالوان مابين البيج والدمي .. حطت شنطتها على جنب تعبانه مابتعدلها الحين
جوعانه .. لكن الاخ اللي برى تستحي منه .. وشكله مورايق بعد ..!!
تاكل .. ماتاكل ..
تسبحت عن العفسه المكياج والشعر وطلعت برى الغرفه بتشرب ماي عالاقل !!
طلعت شافته على الكنب متمدد ونايم والريموت في ايده
وشو تسوي فيه .. تخاف تنبهه وتخاف ماتنبهه .. الساعه ثلاث ونصف
راحت المطبخ شافت البيتزا شكلها يشهي .. فتحت اللي جنبه كان جبن اكلت وحده من النوعين ورجعت
ندى: حسام .. حسام
حاسم: اااااف نعم
ندى: .. الحين بيأذن .. حق .. تقوم تصلي
حاسم: باقي وقت تو الناس .. ودار الجهه الثانيه
مشت عنه .. توضت وصلت ..
راحت تنام .. نامت ...
صحاها صوت طيحه شي في الغرفه .
فتحت عينها بدون ماتتحرك
حسام كان بالغرفه مشط شعره واخذ العطر من الارض .. مشى ولاكأنه شي صاير
ندى: اااف الله يصبرني
رجعت نامت ....
جلست مره ثانيه الساعه وحده الظهر ..
صلت وخلصت وطلعت مافيه احد بالجناح ...
رجعت الغرفه ترتب اغراضها
فتحت أول كبت .. كان فيه ثياب حسام ..
حسام: شو تسوين ليش فاتحه اللي حقي
ندى : والله موقصدي كنت بحط اغراضي
حسام: وماتشوفين فيه اغراض
ندى: وانا شدراني قبل ماافتحه انه لك
رفع صوته: قبل ماتستخدمي أي شي سأليني
سكتت .. طلع برى .. رجع ..
حسام: امي تنتظرك تحت حق تتغدوا
ندى: مابي اكل
حسام: تنزلين غصبا عنك
ندى :ان شاء الله

أبو حيدر: ريحانه وينها
جاسم: ماقعدت
أبو حيدر: للحين؟؟
أم حيدر: هي ماجات امس الا متأخر وقعد معها فيصل شوي هنا شوي نجلسها الحين
إيمان: اصلا ريحانه قعدت شفتها تكلم تلفون
ريحانه: حشى اخبار .. قواك الله يبه
أبو حيدر: الله يقويك .. تعالي تغدي معنا
ريحانه: طيب
جاسم: مادريتي
ريحانه: على ؟؟
جاسم: حيدروو العقد بيصير ليلة الجايه والعرس معكم
ريحانه: يوو مادريت من متى هالقرار
أبو حيدر: نعرسكم مع بعض حق تتقسم المصاريف احسن لو جاسم بعد يصير معكم
جاسم: لا يبه انا مابي اعرس الحين
أبو حيدر: براحتك
بتول: بابا انا امبي اروح المكتبه قبل لاتفتح المدرسه
أبو حيدر: ليش
ايمان: بنشتري طوابع للمدرسه
محمد: لا نبي نروح جرير اشتري لي شريط
ايمان: لا اول الطوابع
أبو حيدر: خلاص خلاص جرير فيها طوابع واشرطه
ايمان: انا عندي 200 ريال بشتري لي لعبه بعد
بتول: انا اكثر منك
<><><> وتستمر تخطيطات الاطفال لفلوس العيد

رغد: بتروحي الكوافير اليوم
ندى: أي بروح بس مو من الحين
رغد: متى
ندى: بعد اذان المغرب
رغد: حصلتي احد ياخذك هالوقت
ندى: أي متفقه معهم من زمان قالوا لي تعالي الظهر بس انا ماابي
رغد: أي احسن لك من القعده الفاضيه هناك
قاطعهم صوت...
أبو حسام: السلام عليكم
رغد: وعليكم السلام قواك الله يبه
ندى اول مره تشوفه .. اصلا توها تتعرف عالعايله .. لما سمعت رغد تسلم عليه عرفته رفعت راسها وقامت له تسلم عليه وتحب راسه
أبو حسام: الله يقويك بنتي كيف ان شاء الله بخير
ندى: الحمد لله
أبو حسام: شخبارك من تعب العرس
ندى: بخير الحمد لله
أبو حسام: حياك الله البيت بيتك بجناحكم وهنا .. واذا انزعجتي من أي شي خبريني
ندى : ان شاء الله
حسام: السلام
أبو حسام: وعليكم السلام
حسام: يالله ندى نركب
ندى: طيب
رغد: خلها تقعد شوي معي
حسام: لا مايمديها تالي تتجهز حق الليل
رغد: باقي وقت
مارد عليها وركب .. ركبت وراه
وصلوا الجناح
دخل وولع الكمبيوتر وجلس عليه ..!!
ندى: بغيت شي ؟
حسام: لا
ندى: ليش مركبني عيد
حسام: بس كذا .. لايقولوا مو ماخذ زوجته
ارتفع ضغطها بترد عليه بتصرخ ... لكنها سكتت مايصير ترفع صوتها وتصرخ عليه ..
راحت الغرفه .. دموعها تتطاير من عينيها .. قامت من محلها
جلست ترتب ثيابها حق تسكت شوي ..
بعد نصف ساعه ..
كانت تحط اخر الثياب بالدرج ...
نزلت دمعتها .. مسحتها على طول ..
قامت .. شافت حسام واقف عالباب .. من متى هذا موجود ؟؟ .. كملت شغلها ولاكأنه احد موجود

بالليل ...

شوق تسلم على ندى: يااهلا بالعروس كيفك
ابتسمت لها: الحمد لله
شوق: متاكده
ندى: لا
شوق: اووف ليش
ندى: شوقو مو هنا
شوق: خخخ صحيح انتي مراقبه الحين
ندى: ريحانوه ماجات معك
شوق: لا قالت فيصل بيجيبها مع دانه
ندى: متى جا ريلها
شوق: هههههههههه ماتدري ؟
ندى: ماقالت لي
شوق: لما كنا بالمزرعه ماشفناه الا طاب علينا
ندى: هههههههه
شوق: انا ماشاهدت الموقف بس دانوو قالت لنا
ندى: وانا اقول الاخت فرحانه ليش
شوق: ذكرنا الأط جا ينط
ريحانه: اهللييين بعروستنا
ندى: اهلين يالدبه
ريحانه: اووب ليش
ندى: ماقلتي لي فيصل جا
ريحانه: ههههه وانتي شدخلك نسيت اصلا
ندى: أي من شاف احبابه نسى اصحابه
ريحانه: هذا اني جيت لك وتركته
ندى: أي بس من جابك
ريحانه: ههههههه بيجيب دانه قلت مره وحده
ندى: أي صدقت وينها دانه
ريحانه: مصادقه المرايه الحين تجي .. صحيح بتعقد بكره
شوق: الله يبارك لها ان شاء الله
ندى: وليش ماتعرسوا مع بعض تفتكوا
ريحانه: هههههه ومن قال لك لا
شوق: صحيح تريحوا عن المصاريف حق مايحتاج تشتري ثوب
ريحانه: ههههههه وانا العروس الثوب اغلى
شوق: خخ احسن من ثوبين
رغد: تفضلوا
شوق: زين والله عطشانه انا
رغد: هههه البيت بيتك
ريحانه: الحين وصلتي أي شهر شوقو
شوق: بالرابع
ندى: يوو يتحرك الحين عيد
شوق: أي بس مواجد
ريحانه: أي وقت يتحرك قولي لي
شوق: ههههههه اتصل لك تجي البيت يعني
ريحانه: أي عادي هههههه اخخ بس متى تولدي بالعرس بتصير دبتك قدامك
شوق: ومن قال لك بحضر
ريحانه: هااا
شوق: اذا صار شكلي مو حلو مابجي
ندى: ههههههه أي وبتخليك ريحانه
دانه: ولا انا مخلتنها
ندى: ياهلا بالعروس نمبر تو
دانه: هههههه مابعد صرنا .. كيفك
ندى: بخير

بعد نصف ساعه ...

شوق: يالله فضى المحل
ريحانه: يلا عروستنا
ندى: على ويه
شوق: شلون شفتي زوجك
ندى: مافيه شي
ريحانه: الغاز احنا نتكلم
ندى: تصدقوا ماكلمته ولاهدرت معه بس تعال اكل قوم صل
شوق: كيف يعني
ندى: مادري عنه يمكن مع الايام يتغير
ريحانه: ياااارب من تمك لباب السما ..

اخر الليل ....

فتح حسام الباب ... دخل ومعه كيس سندويشات حطها عالطاوله بالمطبخ مكان ماكانت قاعده ومشى الصاله
راحت له الصاله ...
كان منسدح عالكنبه ومولع التلفزيون بس مايتابعه
ندى: ممكن
حسام: خير
اخذت الريموت وطفت التلفزيون
ندى: ممكن تقولي ليش تعاملني كذا انا وشو سويت لك ؟؟
اعتدل بجلسته ..
حسام: خير وشو سويت لك انا
ندى: انا متزوجه انسان اعيش معه حياتي مو انسان يجيب لي الاكل كل يوم ويطلع
حسام: والله هذا اللي عندي وهذا انتي عايشه معي شو تبين احسن من كذا .. مكن الحين تروحي الغرفه وتتركيني انام
سكتت عنه .. وراحت الغرفه ...
ربع ساعه ورن جوالها ..
سمعه حسام وقام يطالع من الجهه المفتوحه من الباب ..
مسحت دموعها ..
ندى: الو
لؤي: ياااهلا ندوووي
ندى: اهلين لؤي كيفكم ان شاء الله بخير
لؤي: احنا بخير الحمد لله وانتي كيفك وشخبارك مع حسام
ندى: الحمد لله بخير
لؤي: مو زاعجك بشي
ندى: لا
لؤي: تدري اكتشفت شي بيوم العقد خطييير
ندى وهي تمسح الدموع اللي نزلت: هههههه عارفته
لؤي: وشو
ندى: بتقول طلع الرجال ذاك اليوم اللي بالبحر يوم ياخذ الماي
لؤي: هههههههه عليك نووور ... ماشاء الله حفظتي شكله
ندى: أي عرفته من اول ماشفته
لؤي: وينه خلني اكلمه
ارتبكت: نايم هو الحين
لؤي: ماشاء الله صحي
ندى: ههههه لاتوه من شوي قال بينام
لؤي: يالله اخليك .. اشتقت لأكلك واااااجد
ندى: وانا اشتقت لكم اكثر .. تعال وانا اطبخ لك
لؤي: اخاف اللي عندك يطردني من اول اسبوع جايكم
ندى: لا مايطردك بس هاا جيب المقادير معك
لؤي: ولايهمكم اذا جعت باخذ حتى الصفاري وبجي لك
ندى: حياك الله
لؤي: يالله مع السلااامه
ندى: الله يسلمك
سكرت الجوال وقامت من محلها ...
حسام سمع المكالمه كلها ..
توقع انها بتسب فيه لكن هالشي ماصار .. توقع انها حست به ولاتكلمت .. ممكن!!
ظل عند الباب والافكار تروح وتجي عنده .. فهم قصدها بيوم البحر صحيح كان نفسه اخوها اللي اخذت منه الماي
طلعت من الحمام لابسه بيجامه ورديه .. راحت عند التسريحه .. فكت شعرها حق تنام .. قربت من الباب بتطفي الانوار
وهو تباعد لاتشوفه .. طفتها ونامت .. وهو راح لكنبته !!!

أنتظركم ..