[قوافي الأيثار]

صاح هالجمع الغفير = يا هلا بعيد الغدير يا هلا بعيد الولايه = البيه اكمال الهدايه ياهلا بعيد الغدير --------يا هلا بعيد الديانه ويا هلا بعيد العقيده تحققت بيه السعاده بيوم تنصيب الصميدهبيوم هادينه محمد لّوح على الامه بيده ورفع والوادم تشاهد جف ابو العتره الرشيده بلغه الوحي الامين = عند ذي العرش مكين نصب الكرار آيه = البيه اكمال الهدايه ياهلا بعيد الغدير -------- نفرح واجب علينه نحيي هاليوم بسعاده وبأسم حيدر نهني كل محب اعلن وداده وكلمن يضدنه نكله وبالحقد باطن عناده هذا بو الحسنين حيدر بس اله تحله القياده هذا حيدر يل تعاند = فارس الدين المجاهد هذا نبراس البرايه = البيه اكمال الهدايه ياهلا بعيد الغدير -------- القياده اتريد اهلهه ويا هو افضل من علي صاح بالامه محمد هذا من بعدي الولي اشتنكر من افضاله ڱـلي وفضله لا ما ينجلي افخر بحبه وانادي هذا حبي الاوليِ بحبه حصنت اعتقادي = وللحشر ابقى انادي هذا هزّام السرايا = البيه اكمال الهدايه ياهلا بعيد الغدير -------- نزلت الآيه الشريفه من لدن ربنه الخبير يارسول الله بلغ والامر جدا خطير نصب الكرار حيدر علم للأمه وأمير وفوﮒ اقتاب الرواحل اعلن الهادي البشير اوضح بنص الخطاب = بلا شكوك وارتياب بكل تفاصيل الروايه = البيه اكمال الهدايه ياهلا بعيد الغدير --------ياعلي انبايع اجينه وانعقد اليوم الولاء ونكتب احروف الولايه من حبر نزف الدماء وما تهمنه اهل الضلاله واحنه عشاق الفداء وللنجف تمشي الكتايب عاصمة دين السماء ويم ابو الحمله تطوف = شيب شبان والوف لحيدر اندﮒ التحايه = البيه اكمال الهدايه ياهلا بعيد الغدير --------خادم علي واولاد علي عمار جبار خضير2008-12-14