[ربيبة الزهـراء]

اقتباس : المشاركة الأصلية كتبت بواسطة نور المستوحشين [ مشاهدة المشاركة ]

أشكر الاخت نسايم ع الاستضافة امممممممم فكرت شنو هالقصة اللي اكتبها ..شنو ...شنو كان اقرأ قصة أحمد وذكرت شغلة من ايام الجامعة ... بسم الله الرحمن الرحيم وبه نستعين .. كان يامكان في داك اليوم وجاء الصبح ورحت الجامعة ... توني داخلة ووقفت اطوي عباتي كان ارفع راسي ع ورقة مكتوب عليها اسماء المحرومين من الاختبار ... وبشوية حول شفت اسمي كان اقتل عمري صياح المهم سألتني صديقتي عن سالفة هالدموع قلت لها شوفي اسمي محرومة من الاختبار المهم ظلينا نفكر ليش انحرمت من الاختبار ماسويت شي انا الحضور والغياب صحيح اطنش بما اني ادرس في الرياض ...فكلما أخذني الشوق والحنين شلت عمري ونزلت ماانتظر ليوم الاربعاء المهم بعد فترة وكل روحي طلعت من الصياح راحت تشوف اسمي ليش حرمان تقول قرأت الورقة مليون مرة ابغى اشوف وحدة بنفس الحرف ع الاقل مو بنفس الاسم مالقيت المهم رجعت لي وقالت مافي اسمش قلت لها متأكدة اسمي رقم 5 بعد ,,,واثقة الاخت المهم بعد نقاش شبه طويل قمت اشوف الورقة من جديد وصرت اعيد وازيد في القراءة صحيح مافي اسمي ,,, عدت السالفة مشينا شوي وانا اطلع أغراضي من الشنطة حق اروح عند القاعة ,,ويلي ماجبت الآلة .. متأكدة حطيتها في الشنطة المهم بدل مانضيع الوقت بيبدأ الامتحان ع سوق الجامعة ركيض وصلنا والنفس مقطوع دخلنا السوبر ,, مافي عندهم آلات ياعلي وش هاليوم النحس من بدايته من وين أجيب آلة الحين قامت صديقتي تسأل البنات اذا في آلة بالغلط صارت زايدة عندهم وطبعا الاغلب لالالا ,,, بعد قرار عبيط قررت مااختبرلأن اليوم نحس والرسوب مبين طلعت عباتي من الشنطة حق اطلع والحق ع الباص وارجع السكن ولا أختبر كان بسم الله طاحت الآله من الشنطة ,,, طلعت في النهاية واني اطوي العباة لفيت الآله معها ساعات بني آدم يصير ماادري كيف تحيااتي نور...

يؤ
اني بعد اصير اليي هل المواقف
اكره شيء بحياتي
ادور شيء وماحصله

تسلمين ع القصصة