[فاطمه الخزاعي]

ضــلــع الـــزهــــراء شعر00 ام هدى الخزاعي
************************************************** ***
ضلع الزهراء في سامراء
كسيره وتندب اتنادي
دشوف اشصار يلهادي ...في سامراء
*******************
اجيت ابهمي اصرخ والدمع يجري
يبويه المصطفى اتجدد علي كسري
بحقد صابوني بويه وصوبو صدري
وغدت نار الحقد تتلاهب بكتري
واجري الدمعات ويه الأهات
واصيح بحسره يولادي
دشوف اشصار يلهادي ...في سامراء
********************
تجر اذيال حسرتها بلهب الاحساس
تصيح الطف تجدد والضريح انداس
وحسين انذبح بالكبه شفت الراس
وطيحات المنايرطيحة العباس
جنهن جفين يم راس حسين
وكع وياهن افــــادي
دشوف اشصار يلهادي ...في سامراء
********************
تعثرت بخطوتي من عظم المصاب
يم دار الحسن والهادي والمحراب
وعد مرقد حكيمه هل دمع سجاب
والنرجس وابنها وهيبة السرداب
واسمع ونات تسري وشوغات
يكلي يمته ميعادي
دشوف اشصاريلهادي ...في سامراء
*******************
حضر ليه الحسن والهادي والمهدي
يكلي ياصبربعد اليظل عدي
تمادو بالظلم ياجده حد حدي
والشيعه تتاني وتنتظرردي
وتنادي الثار يبن الكرار
وانا المجتوف بصفادي
دشوف اشصاريلهادي ...في سامراء
********************
من ارض المدينه معتني وبغداد
الصادق حضر ويه الباقر وسجاد
والكاظم خذته الصدمه علميعاد
رد النه البقيع وعادته الأحفاد
ينادي ومالوم يبجي ومهظوم
علينه كل ظلم سادي
دشوف الصاريلهادي ...في سامراء
********************
تفكدنه ضريحك والدمع سجـّب
وتذكرنه الطفوف وعمتك زينب
نشوف احسين بيت الهادي المسلب
والمرقد خيمهاوعلحرم تلهــــب
بالطف الصار بسامرا ندار
ويظل بيها الشمرحادي
دشوف أشصار يلهادي... في سامراء
************************************************** ***
وأسألكم الدعاء (17-6-2007)