السلام عليكم بنات
اشلونكم ياحلوين طيبين
بنات بما ان هالقسم يختص بالامومه والطفوله طرى على بالى موضوع حبيت اطرحه وان شاالله يعجبكم
الموضوع عن طريقه الاستقبال عندكم بعد الولاده تعرفون الزمن تغير وكلشى تغير فى مجتمعاتنا صارت الامور
اكثر تعقيد ورسميات كثيره
فسؤالى هل انتوا تعانون من تكاليف الولاده وحفلات الاستقبال وتجهيز الوالده والمولود ؟؟
وهل تحتاجون الى ميزانيه لهاليوم هذا بشكل مبالغ فيه ؟
عشان اوضح لكم المقصود اكثر اضربلكم مثل عندنا اصبحت الولاده وخصوصا للبكر موضوع مكلف
مثلا استقبال المهنئين صار فى المستشفى عند الغالبيه العظمى ومستشفياتنا المختصه للولاده صمموها تصميم اوتيلات خمس نجوم وفيها اقسام واسعار وفى اى بى
واذا دخلتى غرفه الوالده ماتدرين ويش اشوفين وين تخلين عينك الغرفه وديكوراتها والا فرشه السرير والا قميص النوم والا انواع الشوكلاته للتقديم والا الورد والا اكسوارات الشاى والقهوه والا المجوهرات الى يلبسونها لهاليومين طبعا الاستقبال فيها الوالده اتجمع الناس خلال تواجدها يومين فى المستشفى
يكون محدد يومين او ثلاثه فقط بعدين ترجع البيت ومحد يزورها الا المقربين فقط حيل
بصراحه عندنا الولاده مكلفه ومتعبه محتاجه لجهد جسدى ومادى
فسؤالى هل انتوا بعد فى الخليج والعراق تغيرت عندكم عادات الولاده البساطه والعفويه وافتح الباب وادخل
والا بدات الرسميات تدخل فى هالامور
اتمنى اسمع تعليقاتكم ونعرف اكثر عن هالموضوع وشنو اخر التطورات عندكم
سعوديات بحرينيات عراقيات تعالوا سولفولى
العرض الشجري