[عاشق الأهات]

سامحيني ..
روحي من تسمع ضحكتج..
تنكسر وتفيض عيني

سامحيني،،
ومن احط راسي اعلا متنج
يسمع الميت ونيني

سامحيني,,
من يثور الهوى بگلبي
وينتفض يصرخ حنيني
انا كل ايامي صعبه.
.انا دمعا انا غربه
انا ياسمره عراقي
وحزني مكتوب بجبيني

سامحيني,,
بيج اشمن ريحت اهلي
وتنزل دموعي مزن
وانكسر جن عود يابس
مارحم بيه الزمن

سامحيني,,
من اغنيلج قصيده بگلبي
خنكتها المحن

سامحيني,,
ومن اسولفلج سوالف
كلها الام وشجن..

سامحيني ,,
من اشوف الناس
كل الناس غربا
وانتي اشوفنج وطن
فارگاني گليبي گوه
وراح يم بابج سكن..
عاشر الصفنات كلها وانتضر منج
تجيني
سامحيني....!!
_*_*_*_*_*_
تحياتي
عاشق الاهات