مابيــــــــن ضـــــلعج والطـــــــفل

فاطمه الخزاعي · بتاريخ : 06-04-2009 الساعة : 05:14 PM

مجرشه ......... مابين ضلعج والطفل ......... شعر0 ام هدى الخزاعي
-------------------------------------
لمصابج الروح انلوت ...... والكلب تدي اجروحه
مابين ضلعج والطفل ....... دمهة حزن مسفوحه
دمع المصايب مانشف
لو أذكرج بالدم ذرف
لجلج يبت خير الملا ........ جفوف الكلب مذبوحه
-----------------------------------
شيعه احنه من طينة علي ....... وكلمن يوافي الطينه
جنيــنه كلــــنه بفاطــمه ........ لاجـــل الالــه ودينـه
وصانه بارينه وفرض ....... حبهم وجوب عـــلينه
اهل الشرايع والسنن ....... نحفظ شـــرع بارينه
مضمونه نحفظ عترته
واجب علينه ونصته
اياته ميحدها العدد ....... سرنا بعشكها انبوحه
------------------------------------
كل شيعي حزنان ويون ....... شايل شعار احزانه
مظلومه نهتف بالحزن ....... حزنج يظــل ويـانه
ما ننسى ضلعج بالكلب ....... نارج تظل سعرانه
ماتطفى ماطال العـمــر ........ بابـــج تـوج اركانه
نلبس سوادج للابد
والكلب يسعر مابرد
وانعزي طه المصطفى ........ بلطم الصدر وبنوحه
----------------------------------
جرحج يظل فوك السما ......... بالدم يخط ارسومه
يكتب على اصفاح الزمن ........ بت النبي المظلومه
يلعشتي عمرج بالالم ......... يلحسرتج مكتومه
ماتننسي اجروحج ابد ......... وضلوعج المهشومه
نذكر مصابج لويهل
وبليله لوبدرج كمل
نذكر جنينن اللي وكع ......... وعيونج المشبوحه
----------------------------
وياج نبقى اعلى الدهر ........ نجمه وتباري اهلالج
مثل المطر دمع المحب ........ يبـــجي ويون الحالج
من نسمع اطفال بيتم ......... نهمل دمع لاطفالج
نذكر وداعج والالم .......... والحزن ظــل لخيالج
نظرتج لحسين وحسن
مابين حسرات وشجن
زينب على فراكج تون ......... ون المفارك روحه
-----------------------------
شاركنه ال المرتضى .......... بحزن الزجيه الزهره
وكل شيعي بحزانه انغمس ......... وبكلبه باتت حسره
حسرة مصابج خلفت ......... جرح وابد مايبره
ياجرح يبره وبالحشا ........... نار الضلع متوجره
نارين وجن واسعرن
لليوم ظلن ماطفن
ضلع النبوه المنهشم ..... عين بدمع مقروحه
--------------------------
نارج ابد ما تنطفي ........ يازهره بسمج صحنه
وصوابج بكلب النبي ....... والحيدر اعظم محنه
والشيعتج ضلعج رمش ....... مانشف لحظه بجفنه
يمسي ويبات ابن الدمع ....... يصبح جديد بحزنه
ودموعه عالخد الطمن
نهرين بيهن اثرن
مانشفن ودمج يصب ........ روحج ضلعها اتلوحه
--------------------------------------------------------
ونســــــــــــــــــــالكم الدعاء