اللهم صل على محمد وآل محمد الى الاخ العاملي والاخوان اعضاء منتدى انا شيعي هذه احدى قصائد ابن جنوب العراق بمدح سيد الاوصياء لا استطيع اشرح حتى لا افقدها رونقها ------ البشر هوه البشر ان خابط وان صاف بس لو روى عن علي مفروض عنده انصاف منهو الشطر مرحبه وعادله اثنين انصاف والحصن والباب عن وجه الارض من زلزله وعمرو بن ود زلزله والكرار من زلزله كلهن بحق علي الصاف والزلزله ولو ما علي وعلي لا صاف لا زلزله ------ يا امير النحل ذنبي بقد سماي شلون اطب لحضرتك من يا كتر بحضرتك يمنع دخول السافرات وانا بثيابي وترس ذاتي عهر لو تمد ايدك وتمسح لي الذنوب لو تراهي النار عن وجهي شبر انا منك لا اروح ولا ارد بثقل خمسيني على بابك منتظر وانته يابو تراب شرفت التراب وكرمه الرحمن لاجلك وانته ذر انته طاهر واتوضى القاع بيك ولوما طهرك فلا مسها الطهر شلون مدحك يا علي وهل يحتويك المدح وانته المبتداء وانته الخبر انته كامل سيدي وانته الكمال وحاشى ابو حسين وصفك يختصر انته ما تنقاس طول ولا عرض وجذب كلمن يدعي بطولك قصر الشمس ما ردت ولا للنبياء وطوع ردتلك لمن قمت العصر وحرت يابو حسين شاذكر يا صفات منين ما ابداء بعد بيك اشكثر هيه بس ضربتك في يوم الاحزاب هاي وحدها بكبر كل الدهر نعم ضرت سيف وبساحة نزال ونعم طبع المعركة كر وفر لكن المعنى الحقيقي لهالنزال عادله الرحمن بأعمال البشر من عباده ومن صلاة ومن صيام وقراءات وفرض وكت السحر هذا قول الله بلسان الرسول وحاشى ابوالزهراء ما يلفظ هذر قالهم والكل يسمعون النداء هاي جنه وهذا هالواقف عمرو ونكست يا ابا الحسن كل الروؤس لا ربيعه ولا قضاعة ولا مضر ولا اهل يثرب والانصار الرجال ولا اهل مكة البوادي والحضر هاي يرويها الصحابه الحاضرين ويشهد الخندق لاجل هاي انحفر كلمن ابروحه التها ويرتجف خوف ومن ثقل وطأت عمرو غض البصر جنه يوم الحشر والناس بذهول وصال بيها العامري وجال وعبر ولحد ما انبحت اصواته النداء وكلها سكته الزلم لاحس لا خبر وصاح سيد البشر صوت وجان صوت لهاي مذخور الوصي وعز الذخر قوم يا حيدر يكشاف الكروب قوم يا مبدي العجايب والصور قوم انته راعيها وتطيعك يا علي العاصيات بحد حسامك تنفطر وجان سيفك طامة وزندك قضاء يا احزاب يا قريش ويا عمرو والله يا علي من كبرت ناداك السماء ومن ثقل سيفك رجف قلب الحجر جبت راس العامري والكل يشوف وطفح وجه المصطفى لجيتك بشر المعذره يا سيدي يا ابو الحسين كون تدري بكربلا اشسوى الشمر ---- وأسالكم الدعاء واقترح تثبيتها للشاعر عطا السعيدي منقول
**** الكل يحب علي عليه السلام فللجميع اهدي****
العرض الشجري