[أنوار البتول]

فعلا من المفترض أن ننظم أوقاتنا بهالعطلة الصيفية ولا نضيع أي دقيقة منها
لكن أنا وأنتوا لاحياة لمن تنادي
نكتب ونخطط وبعدين مانسوي شي:cool:
حددت جدول لي للعطلة بس بعدني ما ارتبه :rolleyes:
بس اني بدأت من يومين حفظ خطبة السيدة زينب عليها السلام في مجلس يزيد اللعين
وإن شاء الله بعد ما أخلصها بحفظ خطبة السيدة فاطمة الزهراء عليها السلام وإن شاء الله يكفي الوقت واحفظها بسرعه لان كلماتها صعبة شوي بس ماعليه اهم شي اني احفظ جزء منها واحقق حلمي ..
وعلى شهر رمضان سأبدأ في الدخول لمسابقات القرآن الكريم الثقافية من تلاوة وتفسير وأسئلة تخص القرآن الكريم ..
وعندي إن شاء الله بتكون مشاركات في مسجد الإمام الحسن عليه السلام النسائي للإنشاد والتمثيل في مناسبات أهل البيت عليهم السلام ..
ودار القرآن والحوزة طالبين مني ان أدرس الأطفال بالصيف بس إلى الآن ماقررت وما عطيتهم جواب بسبب المواصلات وما اتوقع اروح لان يمكن تكون عندي التزامات سفر وزواج أحد الأقارب وووو .....الخ
وإن شاء الله ننجز شي بسيط في هالعطله الصيفية ..