[وجدي الجاف]

الف ... الف ... الف مبروك
وكل عام وأنتم بألف خير
بمناسبة ولادة سيد المتقين وإمام الموحدين وقائد الغر المحجلين
قاتل الكفرة ومبيد الفجرة يعسوب الدين أمير المؤمنين (ع)
اقدم لكم قصيدة متواضعة تيمّناً بهذه المناسبة الميمونة
( طبعاً مع التصفيق الحار )




يا علينه يا علينه يا علي - بيك كل همّ ومصيبه تنجلي
تنجلي كلّ المحن - ابمولدك يا بالحسن

فرحت الكعبة يغـــالي وهــــلـّلت لجلك
اتشرّفت بيك وعلاهه نــورك ومجـــدك
وخلـّي يسمع يا علي كلمن وكف ضدّك
هاي وحدة من سجايا اتجــمّعــت عندك
تنوصف انته وليد الكعبة - منهو غيرك بس سجد الربّه
صرت عنوان الوطن - ابمولدك يا بالحسن

اتجمّعت عندك منافب وانته تـــضويهه
صرت عنوان الولاية ابأمر باريــــهـــه
وليلة الهاجــر رســـــول الله بتت بيهه
ومنقبة ردّ الشـمـس شنهو اليضاهيهه
تمشي بالتكوين كلهه ابأمرك - تنوّر الجاهل بشمعة فكرك
خالد بطول الزمن ابمولدك يا بالحسن

طه هادينه محمد يـــا عــلي أمــســــه
انته منّه بمنزلة هارون مــن مــــوسه
وشلون من زوّجك فاطم بضعته ننسه
وبعده للإسلام فخراً اصبحت شمـــسه
فضّلك من بعده ربنه العالي - كلمن ايحبك فلح يالوالي
اتنوّرت بيك السنن ابمولدك يا بالحسن

بالشجاعة منـوصف تشهدلك الكــفـار
داحي باب الحصن بيدك قــوة الجبـــار
وانته صارع كل لئيم ابسيف ذو الفقـّار
بانت بكل حرب منّك أوضح الاســــرار
بزودك الكل يعترف يا حيدر - حبك بكل كلب دومه يكبر
انفضّلك سرّ وعلن ابمولدك يا بالحسن

انته بين الناس أتقى بعـد ابو الزهره
بالعبادة منهــو مثلك يجــــي يــا درّه
وبصلاتك دوم خاشع تـهـمـل العَبــره
يا عضيد المصطفه المحد عرّف سرّه
بتقوتك يعترف حته الحاقد - الصراط المستقيم العابد
ماكو معنى للشجن ابمولدك يا بالحسن

نطلب الليلة يربنه بحك علي حــيــدر
اتعجّل لصاحب عصرنه الفرج الأزهر
وأحمد وآله يجونه بساعة المحـشــر
وتستر وترضه علينه ورحمتك تكثر
وترضي عنّه أولياءك كلهه - والصلاة عليهم اتوصّلهه
وخيّب اصحاب الفتن ابمولدك يا بالحسن