[~أسير الأحزان~]

بسم الله الرحمن الرحيم

اللهم صل على محمد و آل بيت محمد

هذه القصيدة لمجزرة مدينة بلد في العام السابق و التي راح ضحيتها أكثر من 150 شهيد و أكثر من 300 جريح من أبناء المدينة و قد ألقيت هذه هذه القصيدة في شهر محرم السابق و في هذا العام أيظا" في عموم مواكب مدينة بلد
و هي شكوى الى الإمام الحجة (عج) و القصيدة قد تكون مؤثرة للبعض و خاصة للذين جرت لهم البعض من المفردات فأرجو أن تعذروني لوضعها بين أيديكم و إن شاء الله عندي قصائد أخرى حول جميع مجازر مدينة بلد و خاصة الأخيرة و التي جرت فيها ((ثورة بلد الرمضانية))
فأترككم مع القصيدة

شكوة و شكينة إجروح يلمهدي ننخاك
يا صبر عندك يحتمل من جورة إعداك
ــــــــــــــــــــــــــــــــــــــــ
يا حجة الله الباقية گلب المحب صاح
أظهر يبن حيدر علي ضمد هالجراح
ما ضل صبر عند المحب هذا الصبر راح
ليش الغياب الطال ما نحمل إفراگ
************************
نورك سطع مثل الشمس عالبصر محجوب
در و تطرز بالذهب عالعرش مكتوب
إسمك يمن كل البشر نادة يمحبوب
هالغيبة طالت عالمحب يالكلهة تفداك
************************
نفداك كلنة يا بدر بس إنهض و گوم
كافي صبر كافي ظلم كافي من الهموم
هذا الگلب هو إنجرح ضل ينزف إدموم
و سموم تسري بالجسد إظهر و نرجاك
************************
و إبلد صارت مجزرة ذبحوا الشبان
بكل دار تسمع نايحة معولة بأحزان
شيب و شباب توذرت حرگوا الرضعان
و هذا الجرة بديرة بلد من غدرة إعداك
************************
جم والدة عدنة إبلد فگدت ولدهة
دمهم جرة فوگ الترب لا ذنب عدهة
و جم طفلة بيهة تيتمت فگدت أهلهة
و جم شاب عدنة جثتة توذرت ينخاك
************************
هذا المصاب اللي جرة منة الطفل شاب
دمعاتة تجري عللوجن حتى الگلب ذاب
يصرخ أبوية و أخوتي ناموا بالتراب
بيا ذنب أنة تيتمت من صغري الفراگ
************************
شحالة الأم الشاهدت محروگ إبنهة
حضنت الجثة بلا وعي و تصرخ بونهة
بالأمس إنت العرست ضاعت الحنة
بجفوفك انت حنتك و إحترگت أوياك
************************
ليلة الجمعة و إبلد طير الحزن حل
گام و يغسل بالجثث من دمعة يهل
لطفال غسلهة بألم منهة إنصدع مل
حين الذي حس بطفل تربيلة عيناك
************************
بعيوني صديت و شفت والدة أطفال
أطفال محروگة بظلم ذايبة الأوصال
گامت تقبل بالجثث و الدمع همال
وينة الحليب لأطلبة صاحت الغذاك
************************
بيا حالة أخ و من نظر للأخو توذر
أشلاء صارت جثتة للصخر فزر
و الله و تمنة يشبگة و منة تعذر
يا خوية شحضن للجسم متوذرة أعضاك
************************
و لي جرة عدنةإبلد ذكرني بالصار
محمد الباقر لنفجر يم علي الكرار
إحنة إبلد وية النجف و نطالب الثار
و الثار ساعة طلعتك يالكلهة تنخاك
************************
و الفاجعة الأعظم و أشد فاجعة الحسين
حرگوا إخيامة على الحرم و هجت الصوبين
و حسين مصيوب بسهم و الگلب نصين
ريتك تشاهد يل غبت كل طفل ناداك
************************


شاعر و خادم آل البيت (ع)

أسير الأحزان