[وجدي الجاف]

ألف .. ألف مبروك وأسعد الله أيامكم بولادة حجة الله
وصاحب العصر والزمان الامام المنتظر (عج)
أعاد الله عليكم هذه المناسبة بقضاء الحوائج وشفاء المرضى
إنه سميع مجيب
اقدم لكم هذه القصيدة المتواضعة
( ومع التصفيق الحار )

نرفع تهانينه - بميلاد مهدينه
فرحتنه ساعة طلعتك يبن الزجيه

بجَمعتنه هالليلة إجينـــــه
لميلادك اليزهي علـــيـــنه
لهمومــــــنه كلهه نسيـنه
والحــبك الطــــاهر شرينه
شوكك يبارينه - يالغايب علينه
يلحامل علوم وفكر سيد البريه

مولانه وبإسمـــــــك تخلـّد
كل معــنــه للصـبر وتجسّد
وكل جرح بيك الليلة يضمد
يــبــن النــبي الخاتم محمد
ما تخمد الأصوات - يا صاحب الآيات
نوجّه تهاني للوصي حامي الحميه

جا يمته يظهر طود مجدك
حتـّه تكر عيــــون جـــدّك
وتشافي الكلوب الــتـودّك
وتزيح كلمن وكف ضــدّك
تنتظرك احبابك - مو ملـّت غيابك
مولانه ندعي بالفرج صبح ومسيه

بطلعتك يا مهــــجة الزهـــره
هالأرض تصيح كلهه خضره
ويتأمّن بجالـــك الـمـــــسره
وبعذبك اتخمّـــد الـجــــمــره
للدين أركانه - ترفعهه يحمانه
وتنوّر الأكوان بالفرحه الزهيه

يلمهدي يا تــــاج الإمــامــه
ننتظر جيّه كـــــل عــلامـــه
حتّه إلك تـصـفـــه الـزعامه
وتنظم إلم أهل الشــهــامــه
ومن تاخذ بثارك - وي جملة انصارك
ننظم إلك يا مهجة الهادي سويه

ويمّ الحسين الحر سهرنه
وانجدّد البيعه حـضــرنــه
بليلة نصف تمّم كـمــــرنه
نبقه نحبّك كل عــمــرنــه
نطلب يبارينه - ويّاه تخلينه
من ياخذ بثار السبط بالغاضريه