رائعة عطاء السعيدي
-----
على هونك تراني لهسه مو زعلان
واحذر لا تسولف باليزعلني
و لا تلعب خشن بعدك طري العود
ولحيمي وغشيم شجابك لذني
يا معتوه هذا الترس راسك زيف
وياهو الكالك من هذن ترهبني
غم رايك وراي الوهمك واغراك
اكبر من هذني ولا رجف جفني
انا بجفن الردى نعسان شابع نوم
ولو طكت عواصف ما تفززني
لان ماسك طرف من حبل داحي الباب
لا اهد طرف حبله ولا هو اليهدني
شتتصور بعد محتاج ذولا وذول
وانا بهالكرامه الخالقك خصني
موالي ويشهد الله من قلب والسان
وانا فاضل الطينه شحده اليمسني
انا العلمت قومك معنى الاستنباط
لان حيدر عليهن هذن علمني
انا المادخل حكمي بسيرة الشيخين
ولا ثوب الجهالة النجس دنسني
اذا عن الوطن هوه انا ابو الاوطان
من العشرين لسه الوطن يعرفني
انا كاع العراق اوتادها من اعضاي
اسال كل شبر بالكاع يذكرني
اسلها تخبرك شبعتها اجساد
يوم الوكت شح وكالت اطعمني
وانته بيا ثمن بعت الوطن والدين
اخرس يا دنئ ولا تجادلني
مو حالة ضعف طولت خلكي عليك
بس اولى واعف والشر ف يمنعني
لا تضطرني اطكك وانا لو طكيت
بالعباس وحده وبعد ما اثني
حتى اسال اشياخك من بدر للآن
واتصفح سجلكم ينبئك عني
طحت من صلب ابوي بظهر الكحيلات
خيال الضحى ومو جايهن توني
فحلها انا ورجلها ومن عداي تحيل
جانت كبل عاجر والكحت مني
انا عفت صقر ما آكل المصيود
حصتي الصافات وما يفوتني
امس خلني اذكرك عورة ابن العاص
عفت شيمتي وصديت ما جني
برغم جانت الساحة تزلزل الفرسان
واحجم كل جمعكم عيب كابلني
امام الحق علي والحق معاه يدور
فلا اترك صراطه ولا هو اليهدني
لان كل الفضيله بمبداءه ومبداي
اعرف قدر نفسك لا تلاسني
انا كل الهدى ودرب الرشاد وياي
لان عترة محمد دوم ترشدني
لعلمك جان واحد علي وذوالفقار
واسلافك الوف وزاحهم عني
وبعد لسه بسجلكم سؤة ابن العاص
ما عندك نجيب البيه تعادلني
انا لحية اشياخك عندي بالطقاق
والعشرة بكبرهم تحت من ذني
ابن تيمية منهو يا ابوه منين
خل يثبت ابوه وعاد جادلني
اذا عرابكم اصلا مضل وضال
وانا ابن الهداة وتجي تكفرني
-----
ونسألكم الدعاء
منقول
على هونك تراني لهسه مو زعلان
العرض الشجري