[زكي الياسري]

الى اباء ايتام العراق اهدي ثوابها راجياً القبول

سيف الصابك يا حيدر .... جرح ابروس الايتام
كَوم وشاهد دمعــــتهه
عايــــن حيدر حالتهــه
جــــرح ابروس الايتام

++1++

شاهد يحيدر هالايـــــــــتام ابـــّـــابك
متجمعه وتذرف دمه اعله امصـابك
عاينهه ياحيدر اجت لعـــــــــــــتابك
كلهه امل جرحك يطيب احـــــــــبابك
سمعت صابوهه الهامه ... هامة حماي الجار
وكل واحد هل دمعاته
وعليك ايجر عبراته
جرح ابروس الايتام

++2++

اشرحــــلك الحاله يفارس خيبــــر
ما صدكَــــــوا راسك علي يتطــبر
من شافوا الوجه المـُــــبارك اصفر
وتيقنوا موعد رحيلك اســـــــــــــفر
دم يبجون اعله اصوابك ... ياحيدر دم يبجون
سم السيف الي ابراسك
ونته ابآخر انفاسك
جرح ابروس الايتام

++3++

يا دمعه مكتومه بصدر ايتامـــك
وشهــكَــة ارامل ناحت الآلآمـــك
وشــــــــلون تنسه يا علي ايامك
الـّمهه سيف الترك جرحه ابهامك
بيك آمــــال المعقوده ... ضاعت يا داحي الباب
الجانت بسمك تتباهه
منهو البعدك يرعاهه
جرح ابروس الايتام

++4++

حان الوداع الليله يالما ننـــــسساك
لا ترحل اسمعهه علي تــــتــــرجاك
وشلون لصوابك مَــتِـنهد لـــفـــــلاك
وجــــبريل ياحيدر ابصوته ينعــــــاك
ينعاك ابصوته العالي ... جبرائيل الينعاك
سمعت ايتامك صوته
وتمنت كَبلك موته
جرح ابروس الايتام

++5++

نيران بــُـــعــدك يا دمع يطفــــــيهه ؟
ودموع فــكَدك يا فرح ينهـــــــــيهه ؟
وافراح بــــَعدك لا تضن نحييـــــهه !
فاجعـــة جرحك محد امتانــــــــيهه
الجف الصابك يا حيدر ... ما ممكن جف انسان
هذا ابليس اتعنالك
شافك ساجد وابالك
جرح ابروس الايتام

++6++

يا رحـــمة الله الواسعه وداحي الــــباب
عنــــدك بعد يا حيدر اشلون احــــــــباب
شحال العقيله امن وكَعت بالمــــــحراب؟
شكَال الحسن من شاف بالراس اصواب
وشصاح احسين اوليدك ... من شاهد جرح الراس؟؟
من عكَبك يتولونه
ويذبحونه ويسبونه
جرح ابروس الايتام

　
تمت ببركة امير المؤمنين في ليلة السابع عشر من رمضان

08/09/2009
زكي الياسري