[حسين الخالدي]

(شجرة بشر)

بالدنية العجائب سبعة معروفات
ياشعب اليروح يسلم لشــــــعبة

تاريخ وحضارة وكل عجيبة تصير
وحضارتنة عجيبة وفاقت السبعة

اذا عدهم متاحف هزة التـــــاريخ
عدنة الكعبة طلكت جابت الكعـبة
*************************

جان ادموع حيدر تنتثر شــذرات
وتبجيهة العرب والله تــتــمــنـة

حيدر بالمهد فــقـارة جــان وياه
وذا مختاظ ياهو الــيوصل وفنة

يوكف بالمهد ويردد بــهــوسات
يضل يصيح يحسين بضمــايرنة
****************
علي شجرة بشر واثمرت معصومين
وجف الله بلطف لناس زارعــتك

مايحتاج اعرفك عالبـشر مولاي
انت بلاية انت الناس عـــارفتك

ولايحتاج اوصف كل معاني البيك
حتى السكتة يمك يعني وصـفتك

ولايحتاج ارسم صورتك للنـاس
لأن الدنية قطعا هية راسمــــتك

اذا يوضع محمد يمنتة بيمنــاك
يرفعهة ويصيح اليوم نصبــتك

يل بجفك خبز والثاني ذو الفـقار
ومعادلت التوازن صارت بجفتك

اذا جاع اليتيم اطيتة خبزة بساع
والفقار يروة بفيض معركـــــتك


كــالو طـــائــفيـة بحــبك يكفرون
ونكلهم نعم كل احنة طـــائــــفتك

يا اول بشر وتعشكة كل النـــاس
واخاف اكفر اذا بالله مـــثلــــــتك

حيرت المعاجز ياعلـــي الكـــرار
رباك الرسول ونعم مــــدرســتك

معجزة الرسول الجانــت لقرءآن
وانت الله يحبك هاي مــــعجزتك
__________________