بسم الله الرحمن الرحيم
اللهم صل على محمد وآل محمد وعجل فرجهم
الحسيــــــــــن ميـــــــــزان الحيـــــــــــاة
ــــــــــــــــــــــــــــــــــــــــــــــــــ ـــــــــــــــــــــــ
أحسين بحر البي كرامه أو مايضام == من يصيب الضيم جرفه او بي يحل
أحسين ميزان الحياة البي سلام == يوزن الحق والعدل بي يعتدل
أحسين جلمه أو ماتخاف أمن الظلام == عن طريق الحق عمرها ما تزل
أحسين دم الماكره ذيج الشفار == ما شفت دم ينذبح دمعه يهل
أحسين غيره الماتحد حدها الصعاب == لو تشوف الدين ذاوي تشتعل
أحسين صار الكل أبي درب أو مسار == ما يحيد أو مايعوفه أو مايذل
أحسين نور أو ماتجي يمه السيوف == والسيوف أتسلم أعليه أو تجل
أحسين ماراد الحياة أبظل هوان == نال دنيه أو آخره ما ترتحل
أحسين بالدنيه أمل كل اليزور == من تحت كبته دعانه ينقبل
أحسين بالمحشر ينادينه الشفيع == يشفعنه أو رحمة الباري تهل
رادوا ضريحه يختفي أحسين او يزول == صار طيب البلتراب اعليه يدل
صارت أصدور الشيعه مرقد للشهيد == كل قلب يحمل محبته أو يبتهل
هم ظنوا بالقنه مات الامام == بس بقه دمه لظه أو دومه يسل
سيف أو غضب عالمعتدي ويهز عروش == والبغي الأجراه ذاوي أو منهمل
ــــــــــــــــــــــــــــــــــــــــــــــــــ ـــــــــــــــــــــــــــــ
مع تحيات شاعر اهل البيت / جابر النجفي
يمكنكم سماع القصيده بصوت خادم اهل البيت عليهم السلام
جابر النجفي على الرابط التالي http://www.wlidk.net/dldywk81972.mp3.html
الحسيــــــــــــــن ميـــــــزان الحيــــــــاة
العرض الشجري