[اليزابيث]

درب واحد مشيته وما مشيت ادروب
كلب واحد العندي وعندي فد محبوب
اضل دوم بهواه وما اخونه بيوم لو عشت العمر مطلوب
لو حبه ذنب عشت العمر مذنوب
يحاجيني السفيه ايكلي بسك توب ولك توب
لو تابوت موتي بجثتي منصوب
لو ماي المحيط يروب لو شمعه العمر ويذوبابد ما اتوب
لو بالصيف اضل حدر الشمس مصلوب
ابد ما اتوب
لو كل العذاب ابدفتري مكتوب

شربت كاس المحبه من الصغر يفلان
كلي شلون يصحه الشرب هالمشروب
واذا حلت مشيتي اتجفن بهالثوب
شجرت بر صرت وفروعي وصط الكاع
خل ريح الفتن يوميه تهب هبوب
اكابر لو شفت شمات ولو حدر الضلع مصيوب
يلايم بطل من اللوم كتلك عن محبة فاطمه ما اتوب
لو زرعو طريجي خناجر وجسوب
جامه وما تصير اثنين مظلومه الزجيه واثبت التاريخ ماتت والصدر معيوب
وذا ازل عن دربهم يا طريج اختاروتالي انطي الوجه يا صوب ياخذني الدرب ويروح بيه بعيد
ورد لهفان لهفة يوسف ليعقوب
يلايم بطل من اللوم كل هذا العشك وتريد منا انتوب
تريد انصير عمي وياك ونضيع المشيه ونمشي عالمكلوب
يسامع لا تلوم الحايط من يطيح
لوم الساس اصله معفن ومعيوب
ساس العدنا اصلب ساس
وبدم المناحر والدمه منصوب
وحك ذاك الصريع بكربلاء مخضوب
وحك صبر العقيله الجزه صبر ايوب
يظل مذهب الشيعه مسلح ومهيوب
يظل مذهب الشيعه مسلح ومهيوب