[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم
هذه قصيده منبريه للرواديد في إستشهاد مولانا
أبي عبد الله جعفر بن محمد الصادق عليه السلام

الصــــــــــادق وعــــــــاء العلــــــــم
ــــــــــــــــــــــــــــــــــــــــــــــــــ ـــــــــــــــــ
لمته نشوفك ياثار --- تبني قبور الاطهار
أرض البقيع إلها إنروح --- وياك ياروح الروح
تبني قبور الاطهار
ـــــــــــــــــــــــــــــــ
لمته نشوفك يلولي == والسيف يحضن يمناك
ما ظل صبر يبن الحسن == هاي الجموع التتناك
تصرخ تنادي ياشهم == كلنه نعيش إلملقاك
إظهر يبن حيدر علي == أحبابك إو نترجاك
لمته الفرج ياموعود --- يامنبع العز والجود
وياك نمشي الاخطار --- تبني قبور الاطهار
ـــــــ
هاليوم يلمهدي إبألم == ننصب مآتم مولاي
راعي العلم راح إو مضه == والنار تسعر بحشاي
كل المدارس مظلمه == غاب القمر راعي الراي
جعفر بن حيدر علي == مسموم ينطق بالآي
سموه أهل الآثام --- يلمهدي صرنه إبآلام
ننخاك يبن الابرار --- تبني قبور الاطهار
ـــــــــ
نور الأله إو مرتسم == وبجعفر الصادق صار
أطيب وعاء إو بالعلم == مملي إمام الابرار
اسس مدارس واضحه == والعالم إبعلمه إحتار
واليوم يلمهدي مضه == يحمل معاه الاسرار
حلت علينه الاحزان --- غاب الامل والعنوان
نهواك ياإبنه البار --- تبني قبور الاطهار
ـــــــــ
وياك نمشي يلولي == لأرض البقيع الغرقد
وإنزور أهلك ياأبي == بينه الالم يتجدد
نبني صرحهم بالمجد == يفرح نبينه أحمد
وإنسر قلب إبن النبي == والساجد إبن الفرقد
والباقر البيه إجروح --- والصادق العلمه إيفوح
وإنسر ولينه الكرار --- تبني قبورالاطهار
ــــــــ
نرفع تعازينه إلك == يلمهدي جعفركم راح
طلابه ظلوا بالحزن == هذا الالم ماينزاح
من المصايب والجره == صار الحزن إلنه إوشاح
من طبرة الوالي علي == يوم الذي فاز إو صاح
من عصرة الزهره النار --- من كربله يامغوار
أنهض يبن حامي الجار --- وإبني قبور الاطهار
ــــــــــــــــــــــــــــــــــــــــــــــــــ ـــــــــــــــــــــ
مع تحيات شاعر اهل البيت / جابر النجفي
يمكنكم سماع القصيده بصوت خادم اهل البيت عليهم السلام
جابر النجفي على الرابط التالي
http://www.wlidk.net/dldXaX54226.mp3.html