ابوذيات لمولد الرضا عليه السلام

زكي الياسري · بتاريخ : 30-10-2009 الساعة : 01:27 AM

مجموعه من الابوذيات بمناسبه ذكرى ولاده السلطان علي ابن موسى الرضا عليه وعلى ابائه ازكى وانمى و اطهر و اسنى الصلاة والسلام

وجيهه

يدنيه اشموع افراحج وجيهه
الميـــــــــلاد الذي امه وجيهه
دعتني الزهره للمولد وجيهه
على راسي وأطش ورد ابأديه

رضاهه

اليحب فاطم وجب يسعه ال رضاهه
جليله و من رضا الباري رضاهه
الليله المحفل انقينمه ال رضاهه
ابو محمد امام الجعفريه

مشهد

انه ابغير العدل يا ناس مشهد
وبعين البصيره المحت مشهد
شفت كَـبته الصفت محراب مشهد
كعبه و تنكَصد صبح ومسيه

ورده

ما خاب الختم بهــــــواك ورده
وردي العاداك والـــناواك ورده
الكَـطع من روضتك مولاي ورده
سقر مثواه خالد بالاذيه

ولهه

انه الحبيت روحي اعليك ولهه
يبو محمد فلا انساك ولهه
الك من خالقك اسرار ولهه
علينه افضال كل صبح و مسيه

وجنهه

الطيوف اجمار دلالي وجنهه
وجرت عيناي لفراكَك وجنهه
وجَـنـّـَت روحي من بُعدك وجنهه
دواه ازيـــــــارتك يبن الزجيه

منهال

انه الدمعي الجره ابملكَاك منهال
دمع فرحه بلكَه الي صار منهال
كَــُـــمر ما شاهدت انوار منهال
مثل انوار ابن سيد البريه

زكي الياسري النجفي
29/اكتوبر/2009
كيل