[زكي الياسري]

الى سيدي و مولاي المعظم المكرم العلم الهادي .. و الشريف المحتد .. حفيد المصطفى محمد ص
الامام ابن الامام ابن الامام ابن الامام
الباقر عليه السلام
اهدي ابياتي راجياً منه القبول
واسال الله تعالى بحقه ان يجمع شملنا في حضرته المقدسه تحت لواء الامام المنتظر عجل الله تعالى فرجه الشريف
زكي اليـــ النجفي ـــاسري

خـُلقْ طـَــهَ خلق طـَــهَ ... و طبع حـــيدر طبع حيدر
للفصاحه و للسماحه ... صُبَح مصدر صُـبَح مصدر
باقر كل الِعــــــــلوم
شمس اْبين إلِنـْجوم
خـُلـُقْ طـَــهَ خـُلـُق طـَــهَ ... و طبع حـــيدر طبع حيدر

***1***

طه يا بن طه اسمك خط وسامه
وبيد ابن عبد الله جــــــــابر دز سلامه
إلك .. ونته اتلوكَـ الك هــاي الكرامه
يا حبيب المصطفه و تاج الزعـــامه
فاز كلمن بيدك اْيسـَـــــلّم زمامه
لا محاله الجنه مثواه و مقامه

يا حبيبي يا حبيبي ... حبك اثمر حبك اثمر
يا طبيبي يا طبيبي ... انته جوهر انته جوهر
يا ملجأ المحروم
شمس ابين النجوم
خـُلـُقْ طـَــهَ خـُلـُق طـَــهَ ... و طبع حـــيدر طبع حيدر

***2***

يكفي فخرك انته امك بت محـــمد
و علي جدك و الحسين الي تخلد
والدك زين العـــــباد المجده فرقد
و الملايك خـــــــــدم الكم يا مؤيد
والكتاب الي تنـــــــــزل بيك يشهد
على صدر المصطفى المختار احمد

انته طاهر انته طاهر ... الله يشهد الله يشهد
انته باقر انته باقر ... يا محمد يا محمد
بالتطهير معلوم
شمس ابين النجوم
خـُلـُقْ طـَــهَ خـُلـُق طـَــهَ ... و طبع حـــيدر طبع حيدر

***3***

جامعه و انته العميد او تربويه
للعلوم الظاهـــــره و الباطنيه
حيدريه او فاطــــميه او باقريه
خرجت للدنيه شمس الصادقيه
ومن خلالك صرنه احنه جعفريه
ثوره اسمك والله ثوره عالميه

يبو الصادق يبو الصادق ... مدرستنه مدرستنه
انته بيهه علفوارق ... علمتنه علمتنه
بيك المــــبدأ يدوم
شمس ابين النجوم
خـُلـُقْ طـَــهَ خـُلـُق طـَــهَ ... و طبع حـــيدر طبع حيدر

***4***

هيبة الدنيه و فخرهه و مجتباهه
و مبتدا كل العلوم و منتهاهه
من شعاعك يا منير ايشع ضياهه
يا ثريتهه و سنائك وج سماهه
قطره من منهل عطائك سد ضماهه
و تزهي كَامت لسه من فضلك علاهه

الدنيه كلهه الدنيه كلهه ... من قدومك من قدومك
حققت غاية املهه ... من علومك من علومك
يا منحة القيّـــــوم
شمس ابين النجوم
خـُلـُقْ طـَــهَ خـُلـُق طـَــهَ ... و طبع حـــيدر طبع حيدر

***5***

حكَي يبن الزهره بسمك من انادي
انته للباري الوسيله بأعتقادي
والله و الله و بيك اقسم يا ودادي
انته بيدك يا امامي يتم مرادي
بجاه نورك للعلي ارفعنه الايادي
للبقيع انشم ترابه و نكسر اخشوم الاعادي

انته بيدك انته بيدك ... كل املنه كل املنه
نقسم اعليك بصعيدك ... تحتضنه تحتضنه
و تفرج كل الهموم
شمس ابين النجوم
خـُلـُقْ طـَــهَ خـُلـُق طـَــهَ ... و طبع حـــيدر طبع حيدر

***6***

عدنه مطلب يبو الصادق هلمسيه
بيوم ميلادك يمحبوب الزجيه
نريد منك يبو الغيره الهاشميه
من الاه الكون يلعن كَوم اميه
نريد يأذن بالاْنوار المهدويه
سيدي وصلت مداهه السَلفيه
حاربونه حاربونه ... من حسدهم من حسدهم
فجرونه فجرونه ... من حقدهم من حقدهم
يمته الكَاعد ايكَوم
شمس ابين النجوم
خـُلـُقْ طـَــهَ خـُلـُق طـَــهَ ... و طبع حـــيدر طبع حيدر

تمت بحمد الله
12/ذو القعده/1430
زكي الياسري النجفي
كيل