[نسايم]

ياولادنا
حمّود ياولد البلد
و سعّود ياويه السعد
تعاونوا
وتكاتفوا
نبني البلد
ونمضي على خط العهد
ولاية علي .. اهي السعد

واهي الوعد
واهي العهد
ياولادنا


احكي لكم
عن قصة العز والوفا
لاهل الوفا .. اجدادكم
ساروا على هدي الرسول
بولاية الآل العدول
منذ القدم

ومن بعد ما مات النبي
وتخلت العالم عن الهادي الوصي
وتنكّروا
اللي امكروا
الاّ أهم.. أجدادكم
صّفين تشهد والجمل
من ناصروا خير العمل.. ولاية علي

ومرّت ليالي معتمه
من آل اميه الظالمه
وشنوا بني ا لعباس حمله غاشمه
وهم .. أهم
اجدادكم
ماتغيروا.. ماتنازلوا
بل واصلوا بولاية علي

ومرّت سنين الجوع
ماركعوا لحد
الاّ إلى الرب الصمد
وعلى الوعد
ظلوا وماخانوا العهد

خشوا الغوص بكل امل
وصارعوا امواج البحر
ابلا ملل وابلا كسل
وحفروا العيون ابكل محل
وزرعوا النخل
بالقيظ وليالي البرد
حفظوا الامانه والعهد .. ولاية علي

وتحملوا كل العذاب
واجهوا كل الصعاب
وصبروا على حزّ الحراب
وابداً ابد .. ماتنازلوا
او ما تخلوا عنها
وناضلوا .. بولا ية علي

اجدادنا حفظوا لنا كنزٍ ثمين
غالي واغلى من الحياه
عالي واعلى من الشهب
منصوص في خير الكتب
وهي الوصيه من الامين
وصانا خير المرسلين
ولاية امير المؤمنين
وآل بيته الطاهرين

ياجدادنا واحنا بعد
نمضي على الخط والعهد
وهذي الامانه الغاليه
نوصلها لولاد الولد
واما الوعد
يوم الحساب اهو الوعد
آه ياسعد آياسعد
آه ياسعد ذاك اللقا
والفوز ياشيعة علي
اهو قسيم النار والجنه .. أو لحد

ولاية علي
هي طريقي وخط لي
ماحيد عنه ولاأصد
جينات جسمي وكل نبض
يهدر هدر
يرعد رعد
وكل نفس يعصف بالصدر
يكتب سطر
فوقه سطر
تحته سطر
يرسم على خط الارض
ابكل اخطوط الطول
وخطوط العرض
يهتف يضج .. بإسمك علي

بين القبور الزاهره
لجدادنا اهل الوفا
نظرة تحيه واحترام
وقفة إجلالٍ وإحتفا
لجدادنا اللي نوروا
إلنا الدروب
اجدادنا اللي شيدوا
ابوسط القلوب
حب النبي وآله الكرام
وكل التحيه والسلام
الكم ياذكرى عزنا
والفاتحه وحسن الختام
لرواحكم ياهل السلام



........

م. ن

خليل ابراهيم


تحياتي
...نسايم ...