عُذرا أبو الأحرار
من كل ما جرى وصار
وشعتذرلك
انا من كل ماحوت كربلا أضل أعتذر
وشعتذرلك
من كثرة الكَوم
وكَلت الأنصار
من كَطع الجفوف
و سهم غدار
من حرك الخيام
أوجت النار
وشعتذرلك
من كَتل الأيمان
بكَتل الأطهار
من صبح أرمد
ذبحوا بفجره النهار
ومن بحر لكثر زودة
ونشفوا بية الأنهار
وشعتذرلك
من رمضان لخلص عدة
وشبكوا عيدة وي طلعت الأفطار
ومن غيم لجمع غيمة
وجمدوا بيها لأمطار
وياعيد دخلك لاتهل
بيت النبوة بدنيتك خطار
ويامطر كَض الغيوم
وي نثك شابكَ الحفار
ونتظر جيه عقيلة
وي سبايا دارة بكل الأقطار
وجمع جفوف عباس القطيع
وصيح دخلك يجبار
وندفن يم طفلة الرضيع
بلكي يقبل الأعتذار
عذرا ابو الأحرار
انا من كل ما حوت كربلا أضل أعتذر
عُذرا أبو الأحرار
العرض الشجري