جرفين النهر

محمد الصافي · بتاريخ : 28-11-2009 الساعة : 11:07 PM

لاتمسح كطرتك من جبين الراس
ولا تشمر عكالك تنكسرعينك
ولاتتعب بعد وأتعب السجين
شما تطعن أبكلبي أيموت سجينك
ولاتكلي أحبك واني زين وياك
حاسبلك ليالي واعرف سنينك
بساتينك جذب بس بالاسم بستان
لان مامش نخل خاب أبساتينه
صرت انه النخل وانزرع وسط الكاع
وأعثوك النخل رفعت عناوينك
دواوينك جذب لا دلة لا فنجان
صرت انه الدلال بنص دواوينك
اعرفك ماي خابط ما صفيت وياي
شما صفيت مايك ينخبط طينك
صح انت نهر بس انه الك جرفين
يا ماي ألتلمه بدون جرفينك

</b></i>