[زيد السلامي]

مشطتك نهر




من موقف حســــــين هواي اخذت دروس
ما امشي اذا شــــــــــــفت الـــــدرب يرجع


وكون بصيتي اكشخ حتى اظل مـــــــستور
اللابس صــــــيت غــــــيرة لابس مشـــــمع


وبواهس الخشبه مــن امر علــــــى الماي
ترى الرجليه رمــــل عالمـــــاي مـــا يطبع


وما انزع لساني بحضـــــرة الــــــــسلطان
ومـــــــــــن اسمــع بذاني بجيبي ما اسمع


خرجية الشمــــعه وصيتها من الـــــــخيط
وانا خيـــــــــط الضوة الهـــــــيهات يتكطع


ولتكلي الضخم بالمـــــعركه مــــــــــهيوب
ابو جف الرفيع استــــــــاذ مــــــن يصـفع


المرصع جبر وشرفعه جســــم الـــــــخيط
مـــــــــن يــــــــحتد الخيط يــدوخ المرصع


عني شما تـــــريد اتكـــــول ابـــــد ميـــفيد
لان اذنــــــــك بحــــــجيك ما اظن تقــــــنع


انا شمسي الــــــحسين وعلى اعناد الليل
مو مـــــــن الفـــــجر مــــــن النصر تطلع


من طـفل الحسين اتعلــــمت ما مــــــوت
الدمعه اطيـح بـــــس شيـــــطيح المدمع؟


بملحمة العطش اثبت جـــــــبان الــــماي
بمـــــــلحمة الصبر جبــــد الـطفل اشجع


جان اصغر عطر بس كسر خشم الموت
ومتصغر جــــــهاده شمـــــا كلت يرضـع


لان طول الرصاصه ازغير بس بالموت
نفس طـول المنيه الــــــطلقه والـــمدفـع


كتلك جــــبل صير وروســـــهم وديـــــان
ليش حجارة صرت بـفـــــوهة المـــــدفع


ومشطتك نــــــهر بين الســـــمه والكاع
شجاك اتنفســـــــت خنكت الــــــمستنقع


وكتبتك قصــــــيدة لــــــكربلاء حســــين
لكيتك عالشمر شو بــــــايع المـــــــطلع


سوي شمــــــا تسوي مـــــا نبيع حسين
بمثرامة امس لــــــــــو هسه نتـــــكطع


سل بطن السجون انتخمة مـــــن سنين
شعندك ياســـــجن جـــوعان خل يشبع؟


خبلنه الامـــــــم وتســودن التــــــــاريخ
وشكد ســـــاومونه وصــــحنه ما نركع


واطونه مناصب بس نعــــيف حســــين
رفضــــــنه وبــــــالمواكب كمنه نطوع

[شموخ كربلاء]

السلام عليكم
أحييك أخي السلامي
الكلام الدارج يصل المتلقي اكثر من الفصحى
طبعا عجبني البيت الثاني
اللابس صيت وغيره لابس مشمع
تقبل تحيتي
سلمت يمينك

[زكي الياسري]

رعى الله هذا القلم
هذا العطاء
هذا السمو
تحياتي الى كل حرف في هذه الرائعه
التي طالما اطلت النضر الى ابياتها
المعطاءه
حييت ايها السلامي الفذ

[نسايم]

اللهم صل على محمد وال محمد وعجل فرجهم وفرجنا بهم

السلام عليك يا أبا عبد الله الحسين

السلام على الحسين وعلى علي بن الحسين وعلى أولاد الحسين وعلى أصحاب الحسين..


كلمات حسينية خرجت من قلم محب وعاشق للحسين

بوركت أناملك أخي الفاضل


في صحيفة أعمالكم بإذن الله


رزقنا الله وإياكم في الدنيا زيارة الحسين وفي الاخرة شفاعة الحسين


ودمت بولاء الأطهار ...

[زيد السلامي]

اقتباس : المشاركة الأصلية كتبت بواسطة شموخ كربلاء [ مشاهدة المشاركة ]

السلام عليكم أحييك أخي السلامي الكلام الدارج يصل المتلقي اكثر من الفصحى طبعا عجبني البيت الثاني اللابس صيت وغيره لابس مشمع تقبل تحيتي سلمت يمينك

وعليكم السلام ياشموخ

جدا سعيد بمروركم المفعم بالذوق الرفيع

مع جل الاحترام

[غزل السلامي]

مشكوووووور والله يعطيك الف عافيه على هاي القصيدة الجميلة وننتظر ابداعاتك
الجميلة
وياريت
تنزل جديدك