ارد انشدك يا ترف ما تنشد من هلك
بيك الحيا من حيا وبيك الهلك من هلك
من علم داوود من درسك من هلك
ياعود ريحان راوي ومن نسيمه يمل
من عاشرك يا يترف كلي بحياته يمل
والشال حبك ترى موصوف حيد ويمل
من حيث مطعون بين الحنايا رمح
وقلبي لشوفك يفل جنه براس الرمح
والشوف قصر علي ماشاف طول الرمح
لاخذ وجوه العرب واطلب فصل من هلك
بس اذا ممكن تكللنه لمن هذا الشعر الرائع
لجنابك الكريم ؟؟؟؟
للأمانه الشعريه حبينه
ذكر الشاعر
تحياتي ايها المبدع
طلبت حقك
تنشد على هالشعر ما جن قعدنه سوه
وانه العرفك اكثر من الماس وزنه سوه
ياشاعر اهل البيت واهل المضايف سوه
انه صديجك قبل ما دخل بينه الفلك
وابعدنه واياك فرانه فر الفلك
يم النجف شيلك وانه ركبت الفلك
ساكن بالاجناب واربع هوايش سوه
-----
شكرا لجميع من سجل مروره هنا اما البيت فخاص
لابو ظاهر البركي
الانتظار
اجابة على سؤاله لمن الشعر حرصا على الامانة
الادبية
تنشد على هالشعر ما جن قعدنه سوه
وانه العرفك اكثر من الماس وزنه سوه
ياشاعر اهل البيت واهل المضايف سوه
انه صديجك قبل ما دخل بينه الفلك
وابعدنه واياك فرانه فر الفلك
يم النجف شيلك وانه ركبت الفلك
ساكن بالاجناب واربع هوايش سوه
-----
شكرا لجميع من سجل مروره هنا اما البيت فخاص
لابو ظاهر البركي
الانتظار
اجابة على سؤاله لمن الشعر حرصا على الامانة
الادبية
عذرا العتب علنظر
أني سألتك لأن كلبي لشعرك رف
وجناح شوكي الك ياخذني من رف رف
أرد انشدك ياترف ذكراي صارت رف؟
لو اضل اني الك خرزه ويخيط ال سبح ؟
هونك علي من تمس جسمي تراهو سبح
بماي الخجل ياوفي ومنه يطكك سبح
وريته يمر بجرح فركاك هو ورف
أني سألتك لأن كلبي لشعرك رف
وجناح شوكي الك ياخذني من رف رف
أرد انشدك ياترف ذكراي صارت رف؟
لو اضل اني الك خرزه ويخيط ال سبح ؟
هونك علي من تمس جسمي تراهو سبح
بماي الخجل ياوفي ومنه يطكك سبح
وريته يمر بجرح فركاك هو ورف
تقبل مني هذا الزهيري
مع اعتذاري
اخوك
ابو ظاهر البركي
يلي استمحت العذر عذرك معك من بطا
الوكت شل الفكر طول الوكت من بطا
بس اهو ماظن نسى من صحبتك من بطا
يحجيمي بدرك يشع بظلمة غربتي بدر
وانته الذهب وذهبك كله مطعم بدر
وابدا وحقك منك غلط ما بدر
وانا اعتذر سيدي ردي عليكم بطا
اخوك ابو تركي
ارد انشدك يا ترف
العرض العادي
