[عبد الحميد]

يم الحسن وصفج حيـّر الألباب
وما يوفن الفظلج ولو ألف اكتاب
تفاحة الجنـّه اوطاهره الأنساب
(وبحظان النور اتربـّيتي)


فاطمة ربـّك رفعهه الهالمكان
اوعنهه شنهي ايكول محتار اللسان
فاطمة كبل الخلايق والزمان
(ربك من نور امسويهه)


خادم يم ابنهه ابكل فخر جبريل
ولو حزنت يسمعهه العرش ترتيل
تغذّت فاطمة من درّة التنزيل
(اوتعلم بالكون اوتدبيره)


شسولف يا رسول الله الجره اعليهه
بنتك فاطمة دار الفلك بيهه
والاصحاب اللذي الشيطان عاميهه
(طبـّو للدار اوظربوهه)


بجت ريحانتك من غبت يالمختار
هضموهه الصحابة اوظلمو الكرار
اوضلعهه انكسر من لاذت ابـّاب الدار
(وحرموهه من حكهه اصحابك)



حيدر لزم سيفه اوراد يفني الناس
لمـّن عرف ضربو فاطمة الأرجاس
تعنـّت فاطمة يم راعي النوماس
(وكلتله اصبر يابو الغيرة)


انكسر كلب اليحبكم كسر ظيم اوهم
مثل كسر الزجاج الأبد ما يلتم
اوشيعتكم بجت لجل الضلع من دم
(وبسمار الباب امأذيهه)


ماتت من ألمهه اوغدت منهه الروح
وظل الحسن ينحب والحسين اينوح
وكلب حيدر صفن كد حبهه بيه اجروح
(وسمعوه ايكول افجعتيني)


مثجل بالهموم اوحالتي حاله
اويم كبرج اجيت ابدمعه همـّاله
ابجاه ابنج احسين السلبو اعياله
(جيتج مهظوم اتلكيني)


تحب بس فاطمة يا ناس عدنه اكلوب
ويظل ماتم حزنهه ابكل كلب منصوب
اومن نذكر ضلعهه امن الهموم انذوب
(وكل عام ايمر نبجي اعليهه)

[رياض الرسل]

السلام عليكم

عبد الحميد

موفق على هذه الكلمات الرائعه

وجزى الله شاعرها خير الجزاء

رياض الرسل

[فرقة احباب الزهراء]

يالماشين نص الليل ريضوا هدميتوا الحيل

اسالكم واريد اجواب المن هالنعش يطياب

ريضوا هدميتوا الحيل

بالله أريد اسأل يالمشيعين تانوني

علي ديروا الوجه لحضه وأرجوكم تخبروني

المن هالنعش هذا اشو نوره عمه عيوني

اريدن قصته اسمعهه ابحيره لاتخلوني

أشم منه العطور أتفوح :::: لجن واضح عليه مجروح

هذا النعش موخالي :::: من شفته انشده بالي

ريضوا هدميتوا الحيل

ليش أبليل وبسكتة نيتكم تدفنونه

وليش ابلابجي ولانوح نعشكم هالتشيعونه

واشوا حتى النسه ماكو ولاصرخة المحزونه

اخافن منطلب ثارات وكصدكم هالتضيعونه

والله تحيرت بامره :::: لازم اوصل السره

نوره غطه عالظلمه ::: حتى النعش ماضمه

ريضوا هدميتوا الحيل

يهل التنشدنه اسمعنه اذا عندك كلب يصبر

قصة هالنعش قصه ولتصدك اختهه اتمر

تدري ابهالنعش ياهو فاطم بت المبشر

هذه بت رسول الله ظليمه تندفن بالسر

راح احجيلك اشجانت ::: وبعد المصطفى اشعانت

فاطم بالعرش ضئوت ::: ومن بعد النبي انهظمت

ريضوا هدميتوا الحيل

كلمات الشاعر الحسيني
ابو امين الفرطوسي

[ثورة الحسين]

الف الف شكر على المجهود الرائع والقيم
واهدي اليك هذه الابوذيه بقلمي
ـــــــــــــــــــــــــــ
ابشفاعتكم ما اريد محبس _ وخاتم
ايه وحك من صار للرسل حد _ وخاتم
واتراب الطفوف صار العلاتي حد _ وخاتم
وكفاته ما انساه ابن حامي الحميه