[رحيم الحسناوي]

ناحت لدمع الفواطم بالمحل .. وعفيه صاحت من هده جفوفه الفحل

وسجبت العبره بونين .. هيه هاي ام البنين

وعفيه صاحت من هده جفوفه الفحل
ـــــــــــــــــــــــــــــــــــــــــــــ
من دنه حسين الرمح من منحره..جانت ام عباس بالطف حاضره
ويه الزجيه الدم على الدم تنثره..وتلطم على الراس للصار وجره
ماتصدك حسين ابو اليمّه انجتل ... وعالشريعه مطبّر ودامي الجفل
ما يصح صاحت معين ... هيه هاي ام البنين


هيه من شافت نساء بلا خدور..والخوارج يم مخيمهم تدور
بلا فكر صارت على الكافر تثور..ودمعه منهه على الجفن تغلي وتفور
تمنت تموت ويمر بيهه الاجل ... ولا تصد يوم الضعن عنهه ارتحل
وتنسبي عيال الامين ... هيه هاي ام البنين


صاحت الحك للطهر يالمرتضى..ضاكت علينه الارض ويّه الفضى
هذه ابو اليمّه على الغبره كَضى..وضامي حتى بكطرة المي ما حضى
وحركت النار المخيم واشتعل ... وحسره للموت على الاكبر لا تزل
وعاتبت غدر السنين ... هيه هاي ام البنين


صاحت وياي شعمل هذه الدهر..مذبّحين شموسنه بعز الظهر
مبتّرين وروس محزوزة نحر..ويا ضليمه التاكل بوسط الصدر
هم جبير وما يجهبه اعظم جبل ... ولا يفيد اللوم لو صح والجدل
وواست اصحاب اليقين ... هيه هاي ام البنين


بيا ديانه اطفال تتكيد حديد..ورضّع تفيض النزف من الوريد
شلون صارت تامر الجانت عبيد..وتنتصر زمرة ابن سعد ويزيد
وعادت احقاد النواصب والجمل ... وهمه عادو للطهر من الازل
وصب جفنهه على الحسين ... هيه هاي ام البنين
وعفيه صاحت من هده جفوفه الفحل
رحيم الحسيني الحسناوي

[رياض الرسل]

السلام عليكم


رحيم الحسناوي

موفق على هذه الكلمات الرائعه
ودمت بكل امان و ود
والله لايحرمنا منك يارب

رياض الرسل