[حميد م]

السبب بينه


عاتبت الفرح مرة ... وشكيت الحال


هالبت يا فرح ما سيرت لينه


ما يوم الصدف ... وتمر ولو خطار


ولا ساعة تفكر تحتفل بينه


لو جي شيعة يعني و شتتانه البين


ولهذا السبب يا فرح ناسينه


كال بوكت عيد ...


من أرد أجي للناس


واعدني على فرحة ... ويمهه تلكينة


كتله اليوم طاح الطاغية صدام


كال آسف


اجتني أخبار مو زينة


جماعية المقابر بينت عدكم


خليهه على موعد غيره ... يرضينه


وعلى مولد الزهرة


أملاني يعود


كال الوائلي هاليوم ناعينه


وردلي مكدر ومهموم


يرعد وعلى وجهه علوم


ما تدري الحكيم اليوم


طاح بحضرة الكرار ... يم بيبان والينة


معقولة الجبال تطيح .......جا ياهو اليصد الريح


والبنيان من طينه


معقولة السباع تنام ... وتدرينه بعدنه أيتام


باجر كربلا والشام ... وال سعود تسبينه


شلون بعتبة الكرار


توكع والكرم ينهار ... يمترس مواعينه


يبو صادق ..... وحق كل نكطة من دمك حياء وغيره تروينه


ضيم المر عليكم غاد


نفسه بدقة مر بينه


تهجرتوا تهجرنه ... تبهذلتوا تبهذلنه


تيسرتوا تيسرنه ... تغربتوا تغربنه


نفس الدرب ماشينه


يم إيران ... للسودان ... يم السيك .. للمكسيك


علمنجمد ... علقطبين


وين تريد تلكينه


طشانه الزمان طشاش ... وعالتهجير شبينه


كل واحد تحت نجمه ... وبأوربا طشينه


للدوني ... لرعيع الناس


(ل ل ا ر د ن ي) المايعرف شنو المعروف طخينه


يبو صادق ...


نطرنه سنين... فرحنه هواي


هتفنه لجيتك مولاي ...


صحنه اهلا يشبل حسين


اهلا يبن ليث الدين


اهلا يبن مهدينه ... وين الحاربك وينه


يبو صادق ... وحك روحك الطيبة الرفضة التابوت


واتعدت قوانينه


لا صوج الوهابي ... ولا سبب صدام


ولا صوج المنايا تحزمت لينه ....


السبب بينه تراخينه


السبب بكلوبنه الطيبة من اولينه عفينه


هذا ما كتب تقرير ... ذاك سلم سلاحه


ثنين ثلاثة زكينه


على هذا الحال ضلينه


مثل لعب الزغار الصار . حشيلي واحشيلك


او وراهه جعاب طشينه

الشاعر

حيدر الرماحي

*ابو صادق هو السيد الشهيد محمد باقر الحكيم (قدس)

[احمد آل مسيلم]

رائع ما نقلت لنا ايها الشيخ العزيز
وتحياتي الى الرماحي المبدع
قصيدة تستحق ان نقف لها اجلالا

[حميد م]

الاستاذ الاديب احمد ال مسيلم شكرا على مروركم الكريم

[رياض الرسل]

السلام عليكم


القصيده اكثر من رائعه
لشاعر اكثر من رائع

دمت لنا
واسأل الله ان يوفقك على هذا النقل

رياض الرسل

[حميد م]

جزاكم الله خيرا على مروركم الكريم

[ابو يعرب الجنابي]

قصيدة رائعة وبارك الله فيك من مبدع

[حميد م]

جزاكم الله خيرا على مروركم الكريم

[لبيك داعي الله]

اللهم صل على محمد وال محمد

احسنت

[البدري14]

احسنت وفقك الله اخي العزيز
على هذه القصيدة التي حكت واقع نعيشه
وما زال قائم رغم مرارته
تقبل مروري بود

[حميد م]

اخي متفرج عطرة صفحتي بمرورك الكريم وفقك الله لكل خير