[عدنان منعم]

رايح اجيب المشرعه واروي الحبيبه \ والماي لوعمري كضه ياهو اليجيبه
مرخوص للحره العمر\للزهره باجرشعتذر
ءءءءءءءءءءءءءءءءء تعنيت الشريعه بزود انه العـــــــــباس كاصدهه
زينب والعطش ظالم وكطرة ماي ماعـــــــــدهه
مواعدهه انه من سنين محد يوصل الحــــــــدهه
كتايب كلنه عد زينــــب واختي هيه قائــــــــدهه
قائد ومن عدهه الامر\ للزهره باجرشعتذر
ءءءءءءءءءءءءءءءء
اطلبي كل نبع بالكون اجيبه الــــــــــخاطر عيونج
قائد وانه جندي اليوم اطيــــع وانه ممـــــــــــنونج
ارواح وتفتدي نعـــــــلج وتاج انـــــــته يخلونــج
نسوحيدرعلي الوالي اذا فد لحظه ينــــــسونـــج
افديج يانور النضر\ للزهره باجر شعتذر
ءءءءءءءءءءءءءءءءءءء
كل صولاتي وي حيدرصفن ياخويه وي الجود
وسكنه تنادي ياعمـــــــــي لازم يالجفيل اتعــــود
واعذريني يضي عيني لجل جودي نطيت ازنود
واذا بالماي مارديت عمج عالنـــــــــــهر ممدود
بالجود خليت العمر\ للزهره باجر شعتذر

لجل زينب ابجي الكون شنهي الماي يازيــــنب
وحك عودج علي الكرار اخلي الماي هم ينحب
طلب ورادته زينب العقيله ام خــــــدر المرتب
يسهل كل امر لجــــــــــــــــلج ماامر يصـعب
لوجارعالحره الدهر\ للزهره باجر شعتذر
ءءءءءءءءءءءءءءءءءءء
اهي زينب تريد المـــــــاي قائد والامر بيده
ولون تطلب جبل وسهول وعلينه اكلب البيده
رمضان ونطرشوال واكيده بحــضرته عيده
بالحومه وهتف عباس خيـــــبر لازم انعيده ولومر علاجفنج سهر\ للزهره باجر شعتذر
ءءءءءءءءءءءءءءءءءءء
العذر ياخويه ياحــــره طفاهه الـــسهم عيني
ماهمني الم يختي بعد بــــيش انظــر حسيني
الم باروح ماعنـــــدي ماي الجـــــود ياذيني
وجودي ورايتي وجفي بكت تكتب عناويني
هاي السقيفه والغدر\ للزهره باجرشعتذر
ءءءءءءءءءءءءءءءءءء
خادم الحسين \ عدنان منعم

[الشاعر حسن خليفه]

اللهم صلي وبارك على النبي الامي واله الاطهار

قصيده رائعه عدنان منعم بارك الله فيك

وجعلها في ميزان حسناتك

تقبل مروري

خادمكم الشاعر

حسن خليفه

[رياض الرسل]

السلام عليكم

عدنان منعم

موفق على هذه القصيده الرائعه
والله لايحرمنا منك ابد
دمت بكل خير


رياض الرسل

[ابو مؤمل السهلاني]

جدا رائعه السلام على ابا الفضل العباس

[عدنان منعم]

تخافين زينب وانه سالم \ لعيونج اتعود الملاحم
لاتهمين – يخت الحسين – تخافين زينب
ءءءءءءءءءءءءءءءء
استخبرت يحسين اصحابك دشوف \ باجرالويلات في وادي الطفوف
ولن حبيب اعله العقيله ايطوف طوف
الج فادين \ يخت الحسين \ ولزينب اتلوح الصوارم
ءءءءءءءءءءءءءءءءءءءءءء
مومشي ازحوف اعتنو بت فاطمه \ نكلب الطف يالعقيله الحاطمه
اعمارترخص لاابد مونادمه
بس تامرين \ يخت الحسين \ والطف تره تصبح عوالم
ءءءءءءءءءءءءءءءءءءءءءء
وسمع كافلهه وكصد حافي الجدم \ سالم العباس ويمرج الم
سيفي بالحومه يظل يمطر حمم
افدي العين \ يخت الحسين \ من حيدره عندي المكارم
ءءءءءءءءءءءءءءءءءءءءء
درو زينب خايفه وصار النداء \ ارواح يابت حيدر النعلج فداء
الولاء الغيركم لاموولاء
ياضوه العين \ يخت الحسين \ نسحك علاهامت الظالم
ءءءءءءءءءءءءءءءءءءءءء


هاء يزينب اكلب الدنيه وعلي \ وانه عنوان المراجل بس الي
من ابوي انه عليهه معتلي
افني صوبين \ يخت الحسين \ لزينب اسوي الامر حاسم
ءءءءءءءءءءءءءءءءءءء
اكلب الطف مكبره وراس الحسين \ ولووكف عباس معبرهم منين
جن علي الكرا بالحومه البطين
وشتظنين \ يخت الحسين \ يخسه وعلي الحاقد الغاشم
ءءءءءءءءءءءءءءءءءءءءءء

خادم الحسين \ عدنان منعم