[السيد هادي الحمامي]

خل تدوي باركان الكون --- صرختنه
خلهم بوعي يسمعون --- صرختنه
ميهمنه تفجير وموت --- نحچيها وبعالي الصوت
خلهم بوعي يسمعون --- صرختنه
**************

اشما يطول الليل لابد --- يسفر ابوجها فجرنه
يزيح عن وجها اللثام --- ويكشف اعيوبه صبحنه
وخلّه يعرف بالحقيقه --- على افعاله اشـگد صبرنه
ياليل يالكلك غدر --- ماظل بعد عدنه صبر
وامشينه حتى اعله الجمر --- واشوكت يطفه جمرنه
ياليل اسمع متطول --- محنتنه
لابد يجي يوم اتزول --- محنتنه
ويرجع الحـگ المسلوب --- ونصرخ ابوجه المطلوب
خلهم ابوعي يسمعون --- صرختنه
**********************

الـچانت ابخستها تحكم --- وتحسب الخسّه مراجل
ليش بس بالظلمه تطلع --- لأن تخشه من المقابل
عيونها بالنور تعمه --- وما تشوف إلّه الرذائل
اشما دعت خل تدّعي --- من السلطه ردّت للرعي
لاغيره عدها اولاوعي --- وتصد ظلّت عالمزابل
نراويها بالظهر نجوم --- تعرفنه
مانخشه من عدها يوم --- تعرفنه
نضحّي من اجل حب حسين --- وتذكر السبعه وسبعين
خلهم ابوع يسمعون --- صرختنه
**********************

ابياثمن باعت وطنّه --- ولمّت اعلينه الأجانب
وسلّت السيف آل اميّه --- وگامت الطه تحارب
هاي زمرة ابن لادن --- السبّبت كل المتاعب
معروفه كل هاي الزمر --- متعلّمه الذبح البشر
من الشمر اتعس وامر --- عدنه من عدها تجارب
عالأجنبي من ازمان --- باعتنه
المتجرّده من الإيمان --- باعتنه
ماعدها ذمّه اولادين --- الواجب علينه منلين
خلهم ابوع يسمعون --- صرختنه
*******************

الباع دينه ابطمع دنيه --- گلّي اشتترجّه منّه
وعاف دين النبي الهادي --- وابتدع للفُرْقَه سُنّه
وگصّر الثوب اليلبسه --- وطوّل اللحيه المعفنه
لايـگ عليه ثوب الكفر --- من ابليس راضع هالمكر
يعادي النبي وبيت الطهر --- ابهالشكل يستمر ظنّه
نتخاذل انعوف الدين --- كل ظنّه
ويثنينه عن حب حسين --- كل ظنّه
واحدنه حيدر لو ثار --- وبـچفّه سيف الفقّار
خلهم ابوع يسمعون --- صرختنه
*******************

الواجب إيحتّم علينه --- انصير كلنه ائيد وحده
نردع الكافر الظالم --- بالتكاتف نفت عضده
شفنه افعاله الخبيثه --- ولازم انوگفه اعله حدّه
بعيونّه شفنه الجره --- من اهل الدجل والسمسره
عند العرب يا مفخره --- تسند الكافر اوجنده
ماترحم اهل البهتان --- سطوتنه
تعرفها كل العربان --- سطوتنه
منساوم اولاانداهن --- تخسر علينه تراهن
خلهم ابوع يسمعون --- صرختنه
**********************

طالت الأيدي الأثيمه --- اووصلت الحضرة الهادي
فجّرت صرح العقيده --- تبّت الهاي الأيادي
وينكم مو بعد كافي --- بالسمه ناده المنادي
الواجب علينه إيحتّمه --- نحمي العقيده بالدمه
كل باغي بيته انهدّمه --- اعله الظلمنه اوهوّ بادي
الحيدر انترجم هاليوم --- بيعتنه
ونثبتها واقع مفهوم --- بيعتنه
بصرخة علي داحي الباب --- نـگطع رؤوس الإرهاب
خلهم ابوع يسمعون --- صرختنه
***********************

شوف تاريخ آل اميّه --- العترة الهادي تحدّت
وبني العباس التفاهه --- اعله الجماجم غصب كعدت
ياضمير اللي يحدها --- نهبت الدين وتعدّت
مادامها تريد الحكم --- تبني حكمها اعله الظام
ارتكبت اشد واعظم جرم --- العسكري ابيا حقد سمّت
هالأمّه لازم هاليوم --- تسمعنه
نطالب ابثار المظلوم --- تسمعنه
تلـگانه بالحـگ ثوار --- مانسكت اعله اللي صار
خلهم ابوع يسمعون --- صرختنه***************************

المصيبه

----------

هالمصيبه البينه حلّت --- كدِّرت دنيانه كلها
والحزن هيّج ألمنه --- اجروحنه ياهو اليشلها
اعيون شبحت على الغايب --- يمته تلفي يااملها
الهالفاجعه نبقه نون
نامت الدمعه ابكل جفن
يالحجّه چا يمته تحن

تنهض اتجرّد حسامك --- وتاخذ ابثار الهواشم
*****************

وأسألكم الدعاء

[البدري14]

احسنت يا هادي الحمامي
تقبل اشواقي وسلامي
على حب آل الرسول
يلوك ليه شما تكول
انا ادري بالقضية
ونمتلك كل الحلول
مانعتنا المرجعية
مطبقة اقوال الرسول
العدل عند المحاكم
والتجاوز صبح ظالم
-----------
موفق اخي هادي الحمامي
تقبل مروري بود

[ابوتكتم الخير]

شوف تاريخ آل اميّه --- العترة الهادي تحدّت
وبني العباس التفاهه --- اعله الجماجم غصب كعدت
ياضمير اللي يحدها --- نهبت الدين وتعدّت
مادامها تريد الحكم --- تبني حكمها اعله الظام
ارتكبت اشد واعظم جرم --- العسكري ابيا حقد سمّت
هالأمّه لازم هاليوم --- تسمعنه
نطالب ابثار المظلوم --- تسمعنه
تلـگانه بالحـگ ثوار --- مانسكت اعله اللي صار
عظم الله لك الأجر
سيدنا هادي الحمامي
عرضت المصيبة بلوحة فنية
وكلمات ولائية
كتبها لك جدك في صحيفة أعمالك
ودي دعاء
ابوتكتم الخير

[رياض الرسل]

السلام عليكم

سيدنا الغالي
هادي الحمامي

القصيده اكثر من رائعه
اسأل الله قبولها منك

ومنور المنتدى حبيبينا الغالي


خادمك
رياض الرسل

[قاسم حتروش]

أحسنت مولاي سيد هادي
وبارك الله فيك