[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

قلبي نادى == واوَيْلاه ( ملمع )
ــــــــــــــــــــــــــــــــــــــــــــــــــ ـــــــــــــــــــــــ
نبعٌ يجري في وجداني === مَـــنْ آذاها قد آذانـــي
مَنْ آذاني === آذى الله
قلبي نادى === واوَيْلاه
مَــــــنْ آذاها قـــــد آذانـــــي
ــــــــــــــــــــــــــــــــــــــــــــــــــ ــــــــ
آني المُصطفه الهادي النبي المُختـــار == أوَصّيكُــــم على أهل الكِسَه الأبرار
حسن وإحسين أولادي إو علي الكرار == والزهــــره الوديعه الحاويه الأسرار
أنوارٌ تملي الأكوانا === صارتْ للدُنيا عنوانا
مَنْ عاداها === عادا الله
قلبي نادى === واوَيْلاه
مَــــــنْ آذاها قـــــد آذانـــــي
ـــــــــ
هذوله الأربعه هُمَّ أهل بيتــي == تطيعوهم غداً لو حلّتْ إمْنيتي
إسمعوا زين بيهم أترُك إوصيتي == بيهُــم يثبت الحق إو يظل صيتي
لاتَنْسوا حقَّ الزهراءِ === نورٌ يزهو في الأرجاءِ
مَنْ يَنْساها === ينسى الله
قلبي نادى === واوَيْلاه
مَــــــنْ آذاها قـــــد آذانـــــي
ــــــــــ
لو مِنْ فاطمه دمعه تسيل العين == يحـــزن كُل ملائكة السمه والدين
وأدري فاطمه بعدي تشوف البين == من زمرة ظلم أنذال ملعونيــــــــن
ياربّي إلعنْهم ظُلاّمــي === قلبي أضحى يبكي دامي
إرحمْ حالي === يــــــا الله
قلبي نادى === واوَيْلاه
مَــــــنْ آذاها قـــــد آذانـــــي
ــــــــ
أستأذِن ﭽنــــت آني على الزهراء == إذا جيت إو ردت شوفتهُم الأبنــــاء
مدري إشلون صاروا للوصي أعداء == إجــــــــَوْ للدار وإبفاطم بدتْ أرزاء
أرزاءٌ تَتْرى في داري === لاتُنهي وهجَ الأنوارِ
بابي تشكو === يا الله
قلبي نادى === واوَيْلاه
مَــــــنْ آذاها قـــــد آذانـــــي
ــــــــــ
وصل صوت الضلع سمعي يبث شكواه == وَنَـــــــه ﮔلبي إنفُطر نصّين واوَيلاه
شلون المُرتضه صابر على بلــــواه == أشوفه هالحبس دمعه وسط عيناه
صوتٌ يسري في أحشائي === تُدمي حسراتُ الزهراء
شاهدْ ناري === يا الله
قلبي نادى === واوَيْلاه
مَــــــنْ آذاها قـــــد آذانـــــي
ــــــ
جنين أم الحسن مُحسن ينادينــــــــــي == ياجدّي شفت أمّي إو عِلَه إو نيني
أنين المُحسن إو حسراته تاذيني == طيوف الشافعه بنتي تباريني
ظلمُ الحيرى قد أبكاني === منها أنهارٌ أحزانـــــي
مِنْ بلواها === يا الله
قلبي نادى === واوَيْلاه
مَــــــنْ آذاها قـــــد آذانـــــي
ـــــــ
حسرات الحسن وإحسين توصَلْني == وأسمعها إو عليها ينبعث ونّي
دمعة زينب الحوراء تلسعنــــي == حيرة حيدره الحامي تِعَذبني
دمعي لاينساها عيني === يبقى يجري يروي بيني
صوتي يعلو === يا الله
قلبي نادى === واوَيْلاه
مَــــــنْ آذاها قـــــد آذانـــــي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
مع تحيات شاعر اهل البيت / جابر النجفي
إسمعوا طور القصيده على هذا الرابط
http://www.wlidk.net/dldv1u69838.mp3.html