[*أحمد الكعبي*]

سلاماً على اوجاعكم النازفه

أفتح باب صفنة روحي بهداي
أمنشوفنه يرد ويريد ينسَد
ويطلگ بالهوه من يصرخ الناي
وأحس أبروحي چنهه لربهه تصعد
أصبر من أشوف أوياي دنياي
عكس دارت وأحشم مامش أحد
الجبل گام أعله طوله أتعنه ملگاي
وهذاك انه الثگيل الشايل أشگد
شالتلك گمر ونجوم يمناي
ومغثتك بيه چانت منهن أزود
أبنص كل الحروف يموت معناي
وتشيعني القوافي بغير مقصد
مثل جرفك صرت وبساحلي الماي
بجزرك تشتهيني وتگطع أبمد
أحسن بيك من تنزل على أحشاي
ولمن تبعد أحس بحيلي ينهد
وأحسك مثل صيف وگطره بشفاي
إذا تنزل أبروحي أبساع تبرد
شمسك كحلتهه أبعالم أصباي
ونه أمكحل سهر من غير مرود
أبات أويه النجم وأتغطه بسماي
وأصورلك الدنيه بأرقه مشهد
آنه أبن الشمس تعرفني الأفياي
گمر وجهي ويضوي الليل الأسود
گتلك لاتعدنه أثنينه أهواي
تره آنه أوياك واحد كون ننعد
لَحَد أخر نفس ضليت وفاي
المثلك كون روحه أبروحي تنشد
بعت بيه أبرخص ما صحلي شراي
وچنت باني لمقامك روحي مرقد

حاجب ماردت منك تخلي
ردت بالتضحيات أوياك أصلي

[بنت وادي الرافدين]

فرحوا آل أمية من وقع عباس , قالوا هاي زينب لازم نذلها
ما يدرون زينب بالزعل شتصير , مثل حيدر علي محّد ينازلها

[صادق العارضي]

ماريده يلتم يوم جرحك يحايط
نزفك دوه المجروح والعنده شايط
عجابا لآ أرى نزفا ولا جرحا
لبسلم من نزف شوقا وحبا لهذه
الاوجاع

[ابو ياسر الكعبي]

اقتباس : المشاركة الأصلية كتبت بواسطة صادق العارضي [ مشاهدة المشاركة ]

ماريده يلتم يوم جرحك يحايط نزفك دوه المجروح والعنده شايط عجابا لآ أرى نزفا ولا جرحا لبسلم من نزف شوقا وحبا لهذه الاوجاع

جرحي بسفينة نوح خضر ورك ياس
وكل وركة تنزف شوك من جدمي للراس
العزيز صادق العارضي
انرت المساحة بهطولك

[سفينة البحار]

اعود لالتجيء الى حائط الاوجاع من جديد
علي ارى حروفكم جروحا نازفة ابداعها
ولتلتقي حروفنا من جديد

امر عالدار موحش صاير الدار
لاريحة وطن لا لمة احباب
اسالهه باهلهه شصار ما صار
اشو كلهم صفوا عن عيني غياب
اجيت .. بوجهي بوم من الحرم طار
انجرحت ايدي لمن باست الباب
جنه زغار بيهه احلامنه كبار
نشم ريحة مشاعر بالهوه الهاب
هسه كبار بس امالنه زغار
ونشم بكلوبنه من الالم عطاب
ماريدن اقدم لغيبتي اعذار
بس الغيبه لابد الهه اسباب
رديت ودمعتي تفضح اسرار
وصوبت على جرحي والسهم صاب
وقررت اكعد وتاني ليل ونهار
وصيح بصوت كلبي من البعد تاب

دعواتي لكل مبدعي حائط الاوجاع بالصحة والسلامة
انتظر نزفكم
تحيـــــــــــــــــــــــــــــــــــــــاتي

[ابو ياسر الكعبي]

اقتباس : المشاركة الأصلية كتبت بواسطة سفينة البحار [ مشاهدة المشاركة ]

اعود لالتجيء الى حائط الاوجاع من جديد علي ارى حروفكم جروحا نازفة ابداعها ولتلتقي حروفنا من جديد امر عالدار موحش صاير الدار لاريحة وطن لا لمة احباب اسالهه باهلهه شصار ما صار اشو كلهم صفوا عن عيني غياب اجيت .. بوجهي بوم من الحرم طار انجرحت ايدي لمن باست الباب جنه زغار بيهه احلامنه كبار نشم ريحة مشاعر بالهوه الهاب هسه كبار بس امالنه زغار ونشم بكلوبنه من الالم عطاب ماريدن اقدم لغيبتي اعذار بس الغيبه لابد الهه اسباب رديت ودمعتي تفضح اسرار وصوبت على جرحي والسهم صاب وقررت اكعد وتاني ليل ونهار وصيح بصوت كلبي من البعد تاب دعواتي لكل مبدعي حائط الاوجاع بالصحة والسلامة انتظر نزفكم تحيـــــــــــــــــــــــــــــــــــــــاتي

محزنه الدار كلها وموحش البيت
ماتدري بأهلها شصار ماصار
افتر بيها الفلك فرّت توابيت
وعلى افراكك تطفي النار بالنار
طفت جمرة حنينك !؟ ليش ماجيت
وكلي عيون تربي العتبة الدار
كل احبابي إجو بس انت ضلّيت
جروحي اعليك تبجي ازغار وكبار
وحك ليل الحزن سهران ضلّيت
بمحطات انتظارك ليل ونهار
تراتيل شوقي ومحبّتي
وعذرا لإنقطاعي مؤخرا

[*أحمد الكعبي*]

أهلاً بك سفينة البحار لايزال الوجع يتفقد الكبير أبا ياسرالكعبي
رعاكم الرب من كل وجع ومرحى لعودة الوجع من جديد.


شنو نفع السفينه أبّحر الأوهام
ورسَت ريح السفن من غير ملاح
آنه الماناوي أرسي بجرف الآلآم
بس جرتني گوه أچفوف الأرياح
أجروحي البلگلب ماتقبل أتنام
كلتني أسنونهه بفچوچ تمساح
عفت منهن أزغار بدار الأيتام
والكبار أعله وني شبعوا أنياح
أفزع للهموم أوراق وأقلام
وأگولن لو كتبت أهمومي تنزاح
ربيت الحزن ببيوت من جام
وتتكاثر شفتهه أبهيئت أشباح
چنت شاتل فرحتي بحلگ الأيام
وگطعهه الماعرفلي أبگاعه سباح
على أجناحي صعد ويشمر أسهام
گص جنحي ورحل من صارله أجناح.,

كل هذا وگلت بس أنته خلي
دشوف آنه شعفت .. وأنته شعفتلي

[سفينة البحار]

شنو شبينه وبعد محد يمرنه
جزعتوا الالم لو يجوي يمرنه
مثل طعم العسل طعمك يمرنه
ومثل جرحي فلا وفاي اليه


للغائبين ... المحتجبين عن العين
الساكنين في القلب
تحيــــــــــــــــــــــــــــــــاتي

[*أحمد الكعبي*]

اقتباس : المشاركة الأصلية كتبت بواسطة سفينة البحار [ مشاهدة المشاركة ]

شنو شبينه وبعد محد يمرنه جزعتوا الالم لو يجوي يمرنه مثل طعم العسل طعمك يمرنه ومثل جرحي فلا وفاي اليه للغائبين ... المحتجبين عن العين الساكنين في القلب تحيــــــــــــــــــــــــــــــــاتي

مشوا يمكن لأن محد يمرهم
وعلى نار الصبر يسعر يمرهم
تعال وطَيب أجروحي يمرهَم
عفت حلگ الجرح ينزف عليه

[ابو ظاهر البركي !]

اقتباس : المشاركة الأصلية كتبت بواسطة سفينة البحار [ مشاهدة المشاركة ]

شنو شبينه وبعد محد يمرنه جزعتوا الالم لو يجوي يمرنه مثل طعم العسل طعمك يمرنه ومثل جرحي فلا وفاي اليه للغائبين ... المحتجبين عن العين الساكنين في القلب تحيــــــــــــــــــــــــــــــــاتي

جذب من كال جوانه يمركم
وعفتلك كلبي يوميه يمركم
يمر علبال جم واحد يمر كم
ولكن مو مثل مركم عليه


مودتي لكم ودعواتي لزوال اوجاعكم
البركي