[كــرار العراقــي]

رحيم طاهر جناح المالكي مواليد .. 1962 ولد الشاعر المرحوم في محافظة ميسان قضاء الكحلاء اكمل دراسته المتوسطه في بغداد حيث انتقلت عائلته اليها بعد وفاة والده واكمل الدراسه الاعداديه في اعدادية الكرامه المسائيه الفرع الادبي اسس مع الشاعر فالح حسون الدراجي عام 1986 منتدى الشعر الشعبي في مدينة الثوره (مدينة الصدر حاليآ ) فاز بجوائز ومسابقات شعريه كثيره على مستوى القطر حيث نال على الاولى 4 مرات والثانيه مرتين منذ عام 1990 فصاعدآ , كما حاز على جائزة الابداع عام 1996 من جمعية شعراء الشعب . وهو اول من قرأ القصيدة الحسينيه على منبر جمعية الشعراء ليعطي بذلك دفعه كبيره للشعراء الاخرين ليحذوا حذوه كتب اجمل القصائد تلك الفتره ومنها الفرات وابو طالب ولا تلوم العين وعلى بيبان الجنه وغيرها . وفي 25\6\2007 كان الارهاب الاسود في العراق يخطط لضرب مؤتمر المصالحه الوطنيه في فندق المنصور ليتم له ذلك فيخر الشهيد صريعآ بحقد الاوغاد فكان مأتمآ كبيرآ للعراق عم الحزن عليه بكافة ارجاءه


(( رحيم )) يا جرح الكلمات وانين القصائد ووجع السنين نم ايها الشهيد قرير العين فما احلى الشهادة دفاعا عن حياض الوطن المقدس ،وعلى يد شرار خلق الله الذين بائوا بغضب الله والإنسانية ، فعهدا لك ولكل احبتنا من شهداء نا الأبرار وقسما بارواحكم الطاهرة البريئة بأننا سنكمل الطريق باذن الله وبسواعد الخيرين والطيبين ،تحت راية إمامنا المفدى السيستاني( حفظه الله) وقيادة حادي الركب قائدنا الحكيم( دام عزه) وبهمة وسواعد الغيارى من ابناء شعبنا الذين اثبتوا للعالم اجمع بأنهم فرسان الهيجاء و حماة العرين الذين لا يهمهم ان وقع الموت عليهم او وقعوا عليه متأسين بقدوتهم وإمامهم الخالد ابي الاحرار الحسين (عليه السلام) الذي اطلقها صرخة كانت وما زالت وستبقى مدوية ابد الدهر (( هيهات منا الذلة))

وكلا والف كلا سوف لن يَسكُت صوت الحق و لن يُهزم القلم المقاوم
وسيعلم الذين ظلموا اي منقلب ينقلبون

الشهيد المبدع ( رحيم المالكي )
ياأبو طالب سيدي عذرا شكول

وخاف ماوفيك ارجو المعذره

سيدي التاريخ كتابه اظلموك

وظلمتك ناس جديده معاصره

مات كافر كالو وماأنصفوك

ونت للأسلام عزه ومفخره

ونته ماعندكم ذنب لا والرسول

لا وحق جفوف سبع الكنطره

انت كل ذنبك لأن والد علي

وحاولو يلكون زله بحيدره

انت لو والد هند جاقدسوك

وجان ابو هريره ترسلك دفتره

وكون ابو سفيان نجلك سلسلوك

ابأول العشره بحديث أمبشره

وحاشه لسمك يقترن بيه الفجور

وفرق مابين الثريا والثرى

اشجاب اصحاب الرذيله والفسوق

الوالد العتره الشريفه الطاهره

وانت اول من حمه بصدر الرسول

بالنفس والمال وابنه وآزره

واللذين أوو ونصرو بالكتاب

خلي تفهمها العقول النيره

لبو طالب هاي انزلها الجليل

وهذا مو شعر وكلام نسطره

مريم العذراء يكفلها نبي

لأن حامل في نبي ووتتنطره

ماقبل يكفلها مشرك مستحيل

لأن ربك هالأمر يستنكره

شلون يقبلها على خير الأنبياء

مشرك الياويه وكافر ينصره

وهو لومامعتنق دين ابو اخوه

اشلون ثلث اسنين قومه تحاصره

لكن شنحجي خله الجو للطغاة

وكتبت التاريخ زمره وكافره



كتاب " ديوان الفرات"










قصيدة (رافضي) ......... للشهيد رحيم المالكي




باسمك يا عظيم ابدي بصريح القول
غيرك مالي ناصر وحديتك رب
وحب آل الرسول المنهج بدنياي
ابحبهم للجليل وبيهم اتقرب
أنه صاحب عقل ميزت وين الخير
ما ساوي الفحم وي خرزة الكهرب
شيعي ورافضي تسميني بعض الناس
نعم رافض ظلمكم ما ابايع ضب
بايعت الولي النصبه الرحمن
قاطع راس عمرو وشاطر المرحب
وهي بيعة ابشرف كملت هذا الدين
سهلة على الشيعي وعلبعض تصعب
خلهة الناس تحجي اشما تريد اتكول
انه الراكب الصعبة وغيري ما يركب
عندي الموت راحة وهذا درب حسين
الذ من الشهد بشفايفي واعذب
تكص بيه الناجل صار هاي اسنين
والوالت الطاغي من العذب تشرب
نصبتوا اله وحلليتوا اعليه
من دمه العفن قرآنكم يكتب
وانه عندي العمامة ثورة عالطاغوت
وغيري ابخزنة الطاغوت ظل ينهب
انه الشيعة العراق امن العرض للطول
انا الكل مو جزء واليعترض جذب
انه البيت كله وراعي هذا البيت
أموت بساحتي وما اترك الملعب
شربت الموت طوعاً ما شكيت ابيوم
انا بسوح الاعدام وموتهة امجرب
انه مضحي بمراجع تسوة عمرو وزيد
صعدت عالمنابر والفشك يلهب
قرابين شكثر قدمت لاجل الدين
وآخرهن فجيعة كربلا الأصعب
ودم البالنجف من خضب المحراب
نهر دمنه ايتدفق ما رضوا ينضب
رضوا ينسفك دمي وججدوا عاشور
انه المطلوب دمي أمريكا مو مطلب
ولا مسالة محتل واحنه نعرف زين
اعين الدساديس وين تترتب
وعلى يا وترتعزف شلّة الارهاب
ونعرف ما تريدة وندرك المطلب
ولكن لا وحك دم الشهيد الطاح بالمحراب
يوم الصعد كلة البارية امخضب
اذا فتوى اطلعت بيكم تميد الكاع
ونكطعهة الجفوف المدت المخلب
نعرفكم منو ونندل حياية البيت
وندري ابيا مكان اتخوتل العكرب
كفاكم دم ترة أزعل واليصير ايصير
واحذروا من حليم القوم اذا يغضب
يصفط روسكم فوك الجباه يدوس
ويخلي ابدماكم يبحر المركب
سامحنه وكلبنة اوراق يابو اوراق
وعمرنا وبنينا والبعض خرب
منزع ما بقة اقوس الصبر يا ناس
امتلى صدر الرجال وغيضهم ضهضب
ما ردنا الدمار واحنه ما بادين
وحشاهة من التعب كوم هالمذهب
لكن غيرنا ايريد الدمار ايصير
وخف رجلة اعله طبل الفاينة واطرب
مو ذنب اغلبية هذا واقع حال
غصبن عالرضى والمارضى الأغلب
غصبن عالرضى والمارضى الأغلب

الفاتحه على روح الشاعر الكبير

رحيم الماكلي

تحياتي الكم

[ابوتكتم الخير]

كرار العراقي
أحسنت على هذا الموضوع الذي يؤرخ لشاعر كان دمه نذر لآل البيت
رحم الله شاعرنا الحي وليس الميت رحيم المالكي
وماأجمل واروع ما نقلت من قصائده التي تصدح بحب الآل
لك كل التحايا

[كــرار العراقــي]

اقتباس : المشاركة الأصلية كتبت بواسطة ابوتكتم الخير [ مشاهدة المشاركة ]

كرار العراقي أحسنت على هذا الموضوع الذي يؤرخ لشاعر كان دمه نذر لآل البيت رحم الله شاعرنا الحي وليس الميت رحيم المالكي وماأجمل واروع ما نقلت من قصائده التي تصدح بحب الآل لك كل التحايا

شكرا لك اخي العزيز ابا تكتم على المشاركة الذهبية التي زادة من جمال الموضوع

[قاسم حتروش]

كرار العراقي
أحسنت على هذه الألتفاته الكريمة
رحم الله الشاعر رحيم المالكي
الفاتحة

[كــرار العراقــي]

اقتباس : المشاركة الأصلية كتبت بواسطة قاسم حتروش [ مشاهدة المشاركة ]

كرار العراقي أحسنت على هذه الألتفاته الكريمة رحم الله الشاعر رحيم المالكي الفاتحة

قاسم حتروش

اهلا وسهلا بيك اخي العزيز نورتنة

[الروح]

رحم الله الشاعر الشهيد رحيم المالكي
بوركتم اخي

[كــرار العراقــي]

اقتباس : المشاركة الأصلية كتبت بواسطة الروح [ مشاهدة المشاركة ]

رحم الله الشاعر الشهيد رحيم المالكي بوركتم اخي

اهلا وسهلا اختي الكريمة نورتي الموضوع