[الحيدرية]

اللهم صل على محمد وآل محمد ...



.

.

ملك .. سأل الشعب .. سؤال وقال اللي يجاوب عليه صح !!

راح اعطيه فلووس كثيير وكل شي يبغاه

والسؤال .. شنو اكثر شي وشنو اكبر شي ؟؟

راح الخادم .. على بيته وقاعد يفكر

جته بنته .. وقالت : شنو فيك ؟؟

الملك اليوم سأل الشعب سؤال وقال اللي يجاوب عليه راح يعطيه فلوس وكل اللي يبغاه

وانا مو عارف الإجابة

البنت : شنو هو السؤال ؟؟

الخادم : شنو اكثر شي وشنو اكبر شي ؟؟

البنت : روح عند الملك وقله اكبر شي ارضك واكثر شي مالك

راح الخادم عند الملك وقاله : ياملك انا لقيت اجابة لسؤالك

قال الملك : تفضل

الخادم : اكثر شي مالك وا أكبر شي ارضك

الملك : مين قلك الإجابة ؟؟

الخادم : بنتي

الملك : طيب روح قلها

لابسة ومهي لابسة .. ماشية ومهي ماشية .. هدية ولا مو هدية ؟؟

الخادم راح عند بنته وقالها .. : الملك يقولك

لابسة وماهي لابسة .. ماشية وماهي ماشية .. هدية ولا مو هدية ؟؟

قالت البنت

طيب روح جيب لي شبكة .. وغنمة .. ولحمة

استغرب الأب الخادم من الطلبات بس راح وجابها

لبست البنت الشبكة وركبت الغنمة .. ومسكت اللحمة وراحت

ودخلت عند الملك .. وقالت :

ياملك .. انا لابسة شبكة ومو لابسة

وماشية بس مو على رجولي على غنمة

وهذي لحمة انت تعتبرها هدية ولا مو هدية

الملك .. اعجب بذكاء البنت وقالها تتزوجيني؟؟

اتزوجت بنت الخادم الملك .. وعاشو في سبات ونبات .. وخلفوا صبيان وبنات



المهم

بعد سنين .. كان في خادم من الخدم اعطا ه الملك حصان هدية

وفي يوم نام الخادم ونسي انه يأكل الحصان قام هاج الحصان

فجاه الملك وطرد الخادم وقاله هات الحصان وروح .. راح الخادم وهو زعلااان

المهم شافته الملكة .. وقالتله شنو فيك .. قالها:

الملك طردني واخذ مني الحصان

قامت قالت له : خذ صنارة واقعد اصطاد بالحديقة على العشب

ولو جاك الملك وقالك شنو تسوي قله اذا انت مارزقتني يمكن ربي يرزقني

سوا الخادم مثل ماقالتله الملكة

جاه الملك .. وقاله شنو قاعد تسوي ؟؟

الخادم : اذا انت مارزقتني يمكن ربي يرزقني

قام الملك قاله : منو قلك تقول جذي

الخادم : الملكة

عصب الملك .. وطفش من ذكاء البنت ..وراح لها .. وقالها :

شوفي يابنت الناس .. لمي اغراضك ورحي على بيت اهلك

بس قبل ماتروحي .. سويلي شاي .. وخذي اغلى شي عندك

المهم .. قامت البنت سوت له شاي وحطت له فيه منوم

المهم صحي الملك .. ولقى نفسه في بيت الخادم ( ابوالبنت )

قام قال : شنو اللي جابني هنا !!

البنت : مو أنت قلت لي روحي بيت اهلك وخذي أغلى شي عندك !!؟؟

تحياتي smilies/015.gif

[نجم الحسين]

اشكرك اختي الكريمة
جزاك الله الف خير
وبالتوفيق والى الامام
اخوك
نجم الحسين

[اسراء]

مشكورة أختي على القصة
أجمل تحية تحية مني لك.. اسراء

[أميرة الدلع]

مشكورة خيتو

ننتظر جديدك

[نجفية وكلي فخر]

فعلا بنت ذكية

قارية القصة اني غير هلمرة بس احبها وما امل اقراها مرة ثانية

مشكورة يا قلبي

[أنا شيعية]

هههه


قصة حلوة

وإذا على الذكاء

مو غريبة على البنات

سلام

[اناشيعي]

مشكوووووووووووووووووووره اختي على القصة
تحياتي

[ربيبة الزهـراء]

السلام عليكم

مشكوره غاليتي الحيدريه

على القصه

يعطيكٍ العافية

[الحيدرية]

اشكر جميع من دخل الموضوع

الله يعطيكم العافية اخوة واخوات

[الريم]

يسلموا اختي على القصه حقا الرووووووووووعه..

دمت لنا بخير...