[كريم السعبري]

مناسبه عظيمه السيد المالكي رفع البطاقه التموينيه(لغاهه ) اهدي له هاي الومضه
عاد اشويه انصفي دولة القانون 000 اني ابنج يدوله اشويه ارخميني
بله 15 ريوك تكفي اسراء 000واني 15 بالشهر تنطيني
السعبري

[ابو محمد]

هذا الشي متوقع منهم مولاي فلا عجب !!!!!

[البدري14]

ادري المالكي يدر الحجي السووه
لو طرطور يغبش يسرح بثوره
عمت عين الشعب من ينتخب هالناس
والعين البقت تصبح ابد عوره
رائدهم فزع كاونوا وي اعداي
وانه بطرك اديه وتفكه مكسوره
بسك يا وطن بطل صكع ع الرأس
شبيت الشعب واغلكت تنوره
صبح خبزه قهر ويكلي سكته هموم
وحياته اصبحت للحكموه حزوره
مو كافي بعد مو بيها لمس خشوم
طك بركان واكسر سجنك وسوره
ما تخسر بعد بس همه اليخسرون
وطشر كل جميله ورخيته العوره
تصفى وداعتك وتصير انته بخير
اذا يعلن عليهم هالشعب ثوره
كالو بالمثل تالي العلاج النار
وخل الايمو منهم ينزع خصوره
وردهم بالملاجي والليالي السود
وحكمها مخفف لن بالدما فوره
----
بقلمي
7-11-2012

[القلب الاسير]

سيد كريم السعبري
هذا هو العراق
بيت الفقير
دمعة يتيم
صمت الضمير
مقبرة الاحياء
احسنت الاختيار
تقبل تحياتي وتقديري
الاقل
احمد رفيش

[ابو ظاهر البركي !]

موفق مولاي سيد كريم
الله لايعوز بطونه الهم

[البدري14]

سيد كريم السعبري
------
دومك مبدع والله واين ما تكون تضئ
-------
وارجو تقبل هذه الملاطفة سيدنا
-------
سيد كريم السعبري محتار بيها شيشتري
اخمسطعش مطينه متعافي ويحجي قوي
كليو كباب وداعتك يجيبن وفوكاه جلي (حار)
نختار احنه وننتخب وياهو النكضه سرسري
سواها نوري المالكي وفسكلها قبله الجعفري
حكامنا كلهم غلط يطبقون بس النظري
رحمة اعلى روحه المالكي عد حسنه رايح يشتكي
طبعا المالكي المرحوم
رحيم المالكي
------
تقبل مروري سيدنا العزيز

[كريم السعبري]

الحمد لله لغاهه بالوقت الضايع
السسسسسسسسسعبري