[قوافي الأيثار]

بحبك صرت جندي = متمسك بعهدي
أخذ تحية بس ألك = يا سيدي المهدي
***************
بجيش العقيدة الثائرة وجيش الرسالات
متسلح بحب الوصي ومكرس الذات
باچر اذا حان الوعد بعد العلامات
احمل سلاحي والتزم كل المهمات
من تطلع الرايه = كل احنه حمايّة
نحمل ظلامة فاطمة = آنه وهلي وولدي
أخذ تحية بس ألك = يا سيدي المهدي
***************
باچر يبو صالح الك هالشيعة انصار
من كل نواحي وكل بلد بس انته تختار
(أبدال) الك يابن الحسن موعودة للثار
تسحــگ اساطيل الكفر ودوّس الاخطار
من كل كتر تفزع = بيومك اذا تسمع
واتمنه منهم لو صرت = وابذلك العندي
أخذ تحية بس ألك = يا سيدي المهدي
***************
ويه العدا عدنه طلب والها احنه طلاّب
اتباع امية الغادرة و لامريكا اذناب
لا دين عدها ولا شرف بس خسة و ارهاب
شوهت تعاليم النبي وآيات الكتاب
فاض الصبر بينه = والله يمهدينه
واحنه الجنود وننتظر = يمته الوعد يبدي
أخذ تحية بس ألك = يا سيدي المهدي
***************
بعينك شفت يابن الحسن صولتنا بالشام
صولة اماجد دافعت عن طود الايتام
ما نرضى زينب تنسبي وتعود الآلام
ويدنس المرقد رجس من نسل الاثام
يا سيدي القائد = عن زينب انجاهد
لمرقدها يبن العسكري = ارواحنا التفدي
أخذ تحية بس ألك = يا سيدي المهدي
***************
بشّر نبينه بطلعتك يابن الميامين
والوعد لو حان الوعد نملي الميادين
نتعصب بثار الحسن وبثار الحسين
ونحرر الاقصى ونرد نسترجع الدَّين
هناك وترد خيبر = وعزمك عزم حيدر
لمرحب تفلّق هامته = وتشطر لابن ودي
أخذ تحية بس ألك = يا سيدي المهدي
***************
بكل جمعة يابن العسكري نقرالك الندبة
ونصيح عجل بالفرج يا عالي الرتبة
اللات وهبل يا سيدي نصبوا عله الكعبة
حتى اليزور المصطفى ممنوع يقتربه
بدعة يسموها = والكعبة يسروها
وتصيح يا نور القدس = يمته تحل گـــيدي
أخذ تحية بس ألك = يا سيدي المهدي
***************
الدنيه مليانه ظلم من كل گـــــتر بينه
والجور صار المعتقد للناصبي ودينه
حتى السلام عله النبي منعت اعادينه
ما نــگدر نزوره واله نشكي مآسينا
الهدمت مراقدكم = وفجرت مساجدكم
هيهات يبن الطاهرة = نسامحها ونعدي
أخذ تحية بس ألك = يا سيدي المهدي
***************
غير جائز التصرف بها رجاءا
عمار جبار خضير
2013

[بضعة المختار قدوتي]

اللهم صلي على محمد وآل محمد

شعر اكثر من رائع
احسنت وصح لسانك
جزاك الله خير الجزاء

[عبدالله خلف العتابي]

السلام عليكم
الشاعر المبدع
عمار جبار خضير
رائع واكثر من رائع واحب ان اشارك معك الفرحه بهوسه للحجه(ع)

لو طلع يوم حجّتك ضوي الشموع

ولو جنيت امن الوكت بس الدموع

داوي اجروحك او لا تهاب الجموع

واليوم الناس +++ ايشوفونه

بقلمي
ولك خالص احترامي واسمح لي ان ابدي اعجابي
بقلمك وشخصك ولك ودي

[جعفر المندلاوي]

قلم رسالي يتقاطر ولاءً في واحات الكلم
تحية لك ولروحك الموالية اخي عمار

[قوافي الأيثار]

شكرا لمروركم الكريم واطلالتكم الرائعة

[حسين ال دخيل]

كلمات في غاية الروعة
احسنت بارك الله فيك

[قوافي الأيثار]

تحياتي لمروركم وامتناني لحضوركم اسال الله تعالى لكم التوفيق والصحة والحفظ من كيد الاعداء

[صفاء العامري]

شعر روووووووعه

[قوافي الأيثار]

صفاء العامري شكرا لك اخي حضوركم الاروع