لسان حال الزهراء عليها السلام
ضلع ملجوم مالوم
************
أبقه بضلع ملجوم مالوم \ بويه
من أهل الغدر أتحمَّل هموم \ بويه
والشاهد البسمار والباب \ بويه
بعدك ولوني \\ لامارعوني
***********
نار جابوا عله بابي وحركّتني
ألأمَّه من بعدك يغايب ضيًّعتني
بوكّعت المحسن يبويه آلمتني
مصيبه من ظيم المصايب شيَّبتني
من ضلعي كّامت تبجي لضلوع \ بويه
بسمار غافـــــي بصدري ويلوع \ بويه
وكَّع جنيني وزاد لمصاب \\ بويه
والشاهد البسمار والباب \ بويه
بعدك ولوني \\ لامارعوني
***********
بجاني الليل بدموع وبله دموع
بصدري مايصدّك ضلع مفجوع
دز نجماته ويَّه لوعتـــــي أتلوع
دمعه ظلمه تبجي وتطفي لشموع
شحمل بعد يانار وجروح \ بويه
علمّت صبري البجي والنوح \ بويه
منيد الميسوه وياه لعتباب \ بويه
والشاهد البسمار والباب \ بويه
بعدك ولوني \\ لامارعوني
***********
عله يابا ب أعتب باب داري
قصدهه الستر من حضنتني أثاري
صحت يافضَّه لحكّيني شداري
أداري أبني الوكّع لو طفّي ناري
العتبه تشكيلك شنو أشصار \ بويه
الموت مَر مَرَّت الخطّار \ بويه
ورداني ويَّه الحايط حجاب \ بويه
والشاهد البسمار والباب \ بويه
بعدك ولوني \\ لامارعوني
***********
دمعتي سالت وخدّي الحضنهه
ونوح الروح طال وزاد ونهه
تغض بالعبره من ظيمي وحزنهه
بغيابـــــك بَعـــــد غــايب أمنهه
وجه الصبح فارك صباحه \ بويه
والشمس تشكي من جراحه \ بويه
غاب النهار وليلي ماغاب \ بويه
والشاهد البسمار والباب \ بويه
بعدك ولوني \\ لامارعوني
***********
ثالث نجم من نجماتي ودَّع
حته الكَمر عينه وياي تدمع
بعد شنتظر جم مصيبه أفجع
آيه بعد آيه أبابـــــــــي تركع
محراب يبجي وجبد مسموم \ بويه
وكربله تنعي صدر مهشوم \ بويه
ورضيع نحره بسهم ينصاب \بويه
والشاهد البسمار والباب \ بويه
بعدك ولوني \\ لامارعوني
شكوى الزهراء عليها السلام ((ضلع ملجوم مالوم)) مبرئين الذمَّه
العرض العادي
