[ابو معاد النجفي]

بسم الله الرحمن الرحيم

السلام عليكم ورحمة الله وبركاته

للامام العباس لسان عقيلة بني هاشم (ع) يقول ..



المستهل



هاي زينب بالطفوف ميسره...وين عباس الوكف بالكنطره

وين عباس الوكـف يوم الطفوف

فرق الفرســان شتت بالصفوف

كمر هاشم من وكع بان الخسوف

مادره باخته اشحل وجره

مادره باخته ابن حامـي الدخيل

يسروهه وياهه يمشي بس عليل

اتحملت الالام والــنوح وعويل

والشمر يحدي وياه مخدره

يســـروهه ومالهه كافل معين

بس تنادي والدمع جــرح العين

ومن على الهودج تصرخ ياحسين

والجفوف على النهر ومبتره

ياجفوف الكمر طـاحن على النهر

زادت الونه وحل بيــــه القهر

زينب اتحشم ويـــــنك ياالكمر

انسبينه وكلبي ناره اموجره

انسبـــــينه ياعلي وزاد الانين

وناحت اركان السـمه بسم الحسين

وناده باعلى الصوت جبريل الامين

اهتزت اركان الهدى ومفطره

اهتزت اركان الهدى طاح العلم

والحسين النـابت بكلبه السهم

شحال زينب حركو اعليه الخيم

مثل امهه الصار اعليه وجره

مثل حالي الصار و بامي البتول

وبضلعه داسـت اهواي الخيول

اصبحت محتاره وأبـين الجتول

والجثث فوك الارض ومطشره

الجثث على الارض ويشوف الجليل

وندري بالخل ابدا مايتــرك خليل

هذا دم حسين قربانــــك قليل

النزل بحسين ربك قدره

اركض لعباس مبـتور اليدين

وارجع لجسام مطبور الجبين

وبالكلب نابت سهمك ياحسين

والاشلاء بكل كتر وموذره

الاشلاء بكل كـــتر ال النبي

الرجال اتموت وباطفاله السبي

شهد التاريخ والحـــر الابي

هذا درب احرار ربك قرره

اخوكم
ابو معاد النجفي

[علي الموسوي]

بسم الله الرجمن الرحيم
شكراً على هذه القصيدة (هاي زينب بالطفوف ميسرة) طبعتها وستقرأ أن شاء الله ونحن سائرون مشياً بموكب كبير من البصرة إبتداءً من يوم خمسة صفر وسأوصي بالدعاء لكم بعد قرائتها ولا تنسونا بالدعاء والسلام.

[قوت القلوب]

بارك الله فيك أخوي أبو ميعاد والله أبيات في غاية الذوووووق والرقة في الأسلووووب
أختك قوووووت القلووووب

[جريح القلب]

الله يعطيك الف عافيه
اخي ابو معاد