[عاشق الامام الكاظم]

قالت: وش احلى مايقول المحبيـن


ساعة لقاهم بعـد غيبـه طويلـه



قلت:اصبري ، قالت :انا اقولك زين



قلـت: اتمنـى ماتكونـي بخيـلـه



قالت عسى موتي على يديك هالحين



أن كان قيلـت بيـن خـل وخليلـه



قلت : احبك صح ياقـرة العيـن



قلبي يبيها صـدق تشفـي غليلـه



قامت تفكر قلـت : يالله ، وبعديـن



كن اصبعك طـوّل بلـفّ الجديلـه



قالت : كليب وقلت : خير ! شتِقولين



قالت : رجع وشو شعـور الجليلـه



قلت : اليمامه ! ماهي اقوى تحسين



من يوم غاب جبير صـارت هبيلـه



وشبك سكتـي ليـه قمتـي تلفّيـن



قالت : اخاف ان قلت تطلـع ثقيلـه



اخاف اقول وكلمتي تجـرح الديـن



واشيل ذنـبٍ مقـدر انـي اشيلـه



استغفر الله ويـن وصلتنـي ويـن



وانت تعرفنـي والاصيلـه أصيلـه



ضمت يديني .. قلت : توك تحنيـن



قالـت يدينـك بـس هـذي قليلـه



يوم احضنتني دمّعت ، قلت :تبكيـن



قالت : اظن الدمع أصـدق وسيلـه



ردّت ، وقالت : وش عذاب المحبين



قلت : الغياب ! وفي عيونك دليلـه