[على العاشق]

قصيدة عتب..............
بعد ما ريد فيزه ولا لجوء انـسان .... عمت عين الاقامه الدنست صـيتي
واشكر كل صديق وكل خوي وكل جار .... قـفل بابه ورفض يـقبل عراقيتي
خلف الله عليكم والوكـت دولاب .... لا بد يوم يـنزل بيكم ارضيتي
لان اول امس كل البشر خـدام .... جاءوا للـعراق واكلـوا ابيتـي
جان الضيف عندي مكرم ومهـيوب .... فوگ الراس اشـيله وهاي تربيتي
ما داعي اسولف وانه ابو النـهرين .... ياهو الـما سمع اخـبار حنيتي
بعد بصـمات اديهم والطبع موجود .... من جانوا جياع بوسط صيـنيتي
يـا دنـيه حرام ومـنكر ومـكروه .... اذا ابـن الـعراق الـيوم وطيتي
معـقوله نسيتي اسم الـعراق بساع .... لـو مثل الـبشر همّن تـناسيتي
مـيفيد الحچي ولا تـنفع الـچـلـمات .... راجع يا وطن لترابـك الزيـتي
راجـع يـا حـبـيبة گـلبي يـا بغداد .... وادرى بكـثر ما ونـيت ونيـتي
وادري لوحّدج عفناج صار سنين .... وادرى من الحزن تابوت سويتي
جيب الاغتراب وحـطه بالـتابوت .... يا غربه الـعراق شكثر اذيتي
ما اعيـش ابّحر مالح طـعم يا ناس .... انه بسجن الـفرات وفقط حريتي
وترابي ذهـب والگاع من ياقـوت .... ومن ثوب الكرامه البسهه بيريتي
واذا گالوا لترجع والوضع مو زين .... اگول اني الوضع والزين تاليـتي
وميهمني بعد ليصير خلي يصير .... طعم الموت اشرف من هجر بيتي
أموت بوسط خوتي ويا حلاة الموت .... من اجمع اهلـنه واكتب وصيتي
وصيتي لو متت لتچفنوني چفان .... لفوني بعلمنه وهاي امـنيتي
واذا تردون اليه بهالگبر ارتاح .... امانة الله دفنوا وياي جنسيتي
__________________
منقوووووووول
ولكم تحياتي

[سلوى الربيعي]

نقل موفق ..... عاشت الايادي

[ايمان حسيني]

كل التقدير لنقلك الرائع ولكاتب القصيده
يامغير الاحوال غير حالنا لاحسن حال

[عاشق الامام الكاظم]

احسنت اخي الغالي
للنقل القمة الروعة
لا عدمنا جديدك يا رب

[مسك وبخور]

ماشاءالله قصيده معبره
شكرا عالنقل

[عادل الناجي]

هذي الكلمات اذتني واتمنى لو تحملو شويه مني
لان بعد ما اكدر اتحمل اكثر
شرد اگلك عالوضع شنهي الجديد ..
انته يا بيت التطبله وما كو بيه صورة شهيد ؟!
شرد اگلك ..عن رياضي العاف اهله ..
ابخير .. وبصحه .. وسعاده ..
ورايح ايمثل بلاده ..
ومن رجع ما شاف واحد .. شاف بس كومة حديد
وبيته طايح فوگـ اهله
وما مصدگـ .. مدري وهواس ابخياله
وناس غربه .. وعدهه غيره .. وطلعوا جثة جهاله
وياهو ليروح ويگله ؟؟
ايگله بس انطيني مهله ..

وشرد اگلك عالوطن ما بيه امان ..
انه سامعهه بوكت ما كان .. كان
چانت امي بزغري انه .. اتسولف القصه وانام
اتعودت كلما انام
يمه .. وعفيه يمه القصه اريد
ورايد اسمعهه ابحنان .. يمه كلهه ومن جديد
وشرد اگلك واحد امتاني العزيز
يمته يرجع ؟ يمته يوصل ؟
ومن وصله الخبر ميت !!
راد يصفگـ ايد بيد ... وما گَدر ما عنده ايد !
ما ملك بس ايد وحده .. وبس دمع جاري اعله خده ..
وشارد امن الدنيه شرده ..
جاي تسألني شتريد ..؟
جاي تسألني شگلك .. شنهو اريد وما اريد
انه اريداً كلشي اريد ..وكلشي منك ما اريد !
انه اريد لكل فقير اتصير بسمه ..
وترسم فوگـ الشفايف
وانه اريد لكل يتيم ايردله حلمه
وما ينام وهو خايف ..
وانه اريد لكل مواطن عنده كلمه
وتنحچي ابوكت السوالف ...
ما يخاف ..
انفكر احنه اشوكت نسمن ؟ .. واحنه كاتلنه الجفاف

واحنه وصلتنه المجاعه
وناس ملتهيه ابنواط الشجاعه
انه اريد .. النوط نفسه .. وكون ينطونه لفقير
بس اريد انبدل اسمه ...
وبشرط نوط القناعه ..!!
وشرد اگلك عالمصايف ..
ناس مصيفهه البحار .. وناس مصيفهه بالجوادر
وناس نامت عالخضار .. وناس ماتت عالمنابر
ناس تفتر ابمنزه .. او حديقه
وناس تفتر بالمقابر
امريه حجيه خطيه ..
والوكت حيه دفنهه ..!!
وجايه ادور اعلبنهه ..
وشرد اگلك ..
عن ابنهه اشلون مات ..؟
گاعده وتدعيله يرجع بالصلاة
وهيه سمعت صوت باب اندگـ عليهه ..
وركضت ابلهفه تفتحه ..
وسلموهه أبيديهه اوراق الوفاة
انته ما تدري ابوضعنه ..
جاي تسألني شتريد ..؟
انته يا بيت التطبله ...
عود ماكو بي صورة شهيد ..؟!

واليرحم الله اخونا الشهيد سيد ع

[البدري14]

اللهم صل على محمد وآل محمد
عادل
والله انا اتحاشى اقراء قصيدة عن الوطن
ما اتحمل
بس مهما كثرة علينا المصائب نتذكر مصائب
اهل البيت تهون علينا الله كريم
اكو بيت من التراث يقول

قضت والله قضاها بخير واقفت
ولا رجلي على النذلين وقفت

والله اقولها صادق
كل الدول العربية والاسلامية ولا استثني
منهم احد تعاملوا مع العراق بنذالة
وبمنتهى الحقارة
ومن مصلحتهم فقط

والنواب شريف بالوصف
(كلكم اولا..... لا استثني منكم احد)
مخاطبا القمة العربية
لا اريد الاطالة لان الموضوع ليس في المكان
المناسب

[قوت القلوب]

بديت باسـم الله للقـول عنـواننهجي كتـاب الله وسنـة رسولـه
اله الثناء والشكر في كـل ماكـانعدد مداد البحر عرضـه وطولـه
ربٌ يجازي راع الأحسان بإحسانويقبل من المذنب دعـاه وعدولـه
واللي دعاني يوم نظّمـت الالحـانقولٌ سمعته مختلف عـن وصولـه
شخص يذم فلان وافـلان وافـلانويمدح فـلان ولايبرهـن لقولـه
متمثلٍ شيطان في صـورة إنسـانوله زمرةٍ لامن هرج صفقـوا لـه
يتبع هوا نفسه ولو كـان غلطـانوفي غِرة المقفين تقـرع طبولـه
وقـولٍ يقـال ولايتـوّج ببرهـانياللي تقوله كيـف تضمـن قبولـه

وهـــــــــــــــــــذا ردى عسى يعجبكم وأشوفكم على خير ؟
مع تحيات أختكم قووووت القلووووب

[الروح]

قصائد الوطن والغربة مؤلمة جداً,,
سلمت الأيادي للنقل الموفق,,
تحياااتي و ودي