[أنوار البتول]

اللهم صلِ على محمد وآلِ محمد
خل اول يسمحون لنا نسوق بعدين الأهل تقرر نسوق لو لا
بصراحه أنا مع وضد السياقة للمرأة
لكن عقلياً لا ما أؤويد نظراً للمجتمع والزمن اللي عايشين فيه ما يسمح لنا
لو كان من قبل مسموح لنا السياقة مثل باقي الدول ايه ممكن مافي اي مانع والكل بيتقبل
بس الحين بعد ما تعودنا على عاداتنا وتقاليدنا اتجي امرأه وتسوق هذا شي كبير
وحتى لو سمحوا لنا بالسواقه الحين يعني بعد شنو بعد ماشاب وودوه الكتًاب
مستحيل هالمجتمع يتقبل :cool:
مع إن بهالزمن نحتاج للسواقه وااايد بدل ما نتمنن للشباب تعالوا ودونا وجيبونا مساكين يتمللون من مشوارينا ..
هههه وذكرتني خيي فلانوو على تسكر الباب من قبل كنت اسكره بالقوه واخوي وابوي يحمقون فيني سيارة دي شارينها بمبلغ وقدره مو دريشه
وبعدها علمني اخوي كيف اسكر الباب يقول لي اول شي اخذي الباب قدميه شووي وبعدها سكريه بقوة خفيفة مو اهووه مفتوح تاخذينه بالقوة ومنها تعلمت والحين ما يزفوني
بعض الاحيان اتمنى اني اسوق وبعض الاحيان اقول لا ما ابغى << مصدقه حالها
بس اكثر شي يقهرني لما اشوف سيارة في الكراج موقفه ما حد يطلع بها وانا ارجع بعض الاحيان من الحوزة الظهر عز الشمس مشي عالاقدام ربع ساعة وأكثر بعد اقول لامي ها سيارة عندنا واقفه واحنا نمشي في عز الحر خو جيبوا لنا سواق يسوقها ويقضي مشوارينا ..
بس الحمدلله على كل حال الحين الميكروباصات ما تقصر توفرت واايد وبأسعار مناسبة وريحت شوي من ضغط الاهل ..
بس بالنسبة للمجتمعات الباقية الكويت .البحرين ... الخ
اعتقد من 60 إلى 70 % يسمحون بالسياقة للمرأة
ويعتمد على الحاجة الضرورية لها ..

مشكور خيي خادم عالطرح .. قوااك الله
بس ياريت تقول لنا رايك ..

هههه ويلي ويلي اكثر وحدة هذرت انا خخخ